Laotel ::

ລາວ ໂທລະຄົມ ປະກອບສ່ວນ ອຸປະຖຳ ເຄື່ອງອຸປະໂພກ-ບໍລິໂພກ, ຜະລິດຕະພັນ ຂອງ ລາວ ໂທລະຄົມ ແລະ ລ້ຽງອາຫານທ່ຽງໃຫ້ກັບ ນ້ອງໆນັກຮຽນທາງໂຮງຮຽນສຶກສາພິເສດ ລວມເປັນມູນຄ່າ 54,000,000 ກີບ.

ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງ ບໍລິສັດ ລາວ ໂທລະຄົມມະນາຄົມ ມະຫາຊົນ ທີ່ເຕີບໃຫຍ່ຂະຫຍາຍຕົວ ມາຮອດ 27 ປີ ຄອບຄົວ ລາວ ໂທລະຄົມ ໄດ້ລົງຢ້ຽມຢາມ ມອບຄວາມຮັກ ຄວາມອົບອຸ່ນ ໃຫ້ກັບໂຮງຮຽນ ສຶກສາພິເສດ ບ້ານ ໜອງໜ້ຽວ ເມືອງສີໂຄດຕະບອງ, ນະຄອນຫຼວງວຽງຈັນ ເເລະ ເພື່ອເປັນການຕອບເເທນສັງຄົມ ໄດ້ຈັດກິດຈະກຳ ຟ້ອນ-ຮ້ອງເພງ ຈາກນ້ອງໆນັກຮຽນ ມອບເຄື່ອງອຸປະໂພກ-ບໍລິໂພກ, ຜະລິດຕະພັນ ຂອງ ລາວ ໂທລະຄົມ ແລະ ລ້ຽງອາຫານທ່ຽງ ໃຫ້ກັບ ນ້ອງໆນັກຮຽນທາງໂຮງຮຽນສຶກສາພິເສດ ລວມເປັນມູນຄ່າ 54,000,000 ກີບ. ມອບໂດຍ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ພ້ອມດ້ວຍຄະນະຜູ້ບໍລິຫານ ກຸ່ມ ບໍລິສັດ ລາວ ໂທລະຄົມ ເເລະ ຮັບໂດຍ ທ່ານ ຄຳໄພ ສ້ອຍສຸວັນ ຜູ້ອຳນວຍການໂຮງຮຽນ ສຶກສາພິເສດ ພ້ອມດ້ວຍຄະນະ ເເລະ ນ້ອງໆນັກຮຽນ ທີ່ໃຫ້ກຽດເຂົ້າຮ່ວມໃນຄັ້ງນີ້.
ລາວ ໂທລະຄົມ ຍັງຍຶດໝັ້ນໃນການຊ່ວຍເຫຼືອສັງຄົມ ເເລະ ຄຽງຄູ່ສັງຄົມລາວຕະຫຼອດໄປ.

ບໍລິການ ແອັບພິເຄຊັນ ກຸ່ມ ບໍລິສັດ ລາວ ໂທລະຄົມ