Laotel ::

ບໍລິສັດ ລາວໂທລະຄົມມະນາຄົມ ມະຫາຊົນ ສະໜັບສະໜູນການແຂ່ງຂັນສີມືແຮງງານ ຈໍານວນ 300,000,000 ກີບ

ທ່ານ ສຸພົນ ຈັນທະວີໄຊ ຄະນະບໍລິຫານງານພັກ ກະຊວງ ຕສ, ເລຂາຄະນະພັກຮາກຖານ, ຜູ້ອຳນວຍການໃຫຍ່ບໍລິສັດ ລາວໂທລະຄົມມະນາຄົມ ມະຫາຊົນ ພ້ອມຄະນະໄດ້ມອບເງິນ 300 ລ້ານກີບ ສະໜັບສະໜູນ ຊຸກຍູ້ສົ່ງເສີມງານແຂ່ງຂັນສີມືແຮງງານແຫ່ງຊາດ ຄັ້ງທີ IV ແລະ ກະກຽມເຂົ້າຮ່ວມການແຂ່ງຂັນສີມືແຮງງານອາຊຽນ ຄັ້ງທີ XIV, ໃນວັນທີ 7 ພຶດສະພາ 2025 ທີ່ກະຊວງແຮງງານ ແລະ ສະຫວັດດີການ-ສັງຄົມ, ເປັນກຽດຮັບໂດຍ ທ່ານນາງ ໃບຄໍາ ຂັດທິຍະ ລັດຖະມົນຕີກະຊວງ ແຮງງານ ແລະ ສະຫວັດດີການ-ສັງຄົມ ພ້ອມດ້ວຍຄະນະພັກ-ຄະນະນຳກະຊວງເຂົ້າຮ່ວມ.
ທ່ານນາງ ໃບຄຳ ຂັດທິຍະ ໄດ້ສະແດງຄວາມຂອບໃຈ ແລະ ຕີລາຄາສູງຕໍ່ ທ່ານ ສຸພົນ ຈັນທະວີໄຊ ພ້ອມຄະນະທີ່ໄດ້ປະກອບສ່ວນຊຸກຍູ້ເຂົ້າໃນການແຂ່ງຂັນສີມືແຮງງານໃນຄັ້ງນີ້, ເພື່ອກະຕຸ້ນການພັດທະນາທ່າແຮງຄວາມສາມາດຂອງແຮງງານນໍາໄປສູ່ການສ້າງມູນຄ່າເພີ່ມທາງດ້ານເສດຖະກິດ ແລະ ການແຂ່ງຂັນຂອງປະເທດໃນເວທີ ພາກພື້ນ ແລະ ສາກົນ ລວມທັງເປັນເວທີໃຫ້ໄວໜຸ່ມ, ນັກຮຽນວິຊາຊີບໄດ້ສະແດງຄວາມສາມາດດ້ານທັກສະສີມືແຮງງານໃນເວທີການແຂ່ງຂັນ, ການແຂ່ງຂັນສີມືແຮງງານຖືເປັນເວທີໃຫ້ຊາວໜຸ່ມ, ກຳມະກອນລາວບັນດາເຜົ່າໄດ້ສະແດງອອກທາງດ້ານຄວາມຮູ້, ຄວາມສາມາດ, ທັກສະສີມື ທັງເປັນການຊຸກຍູ້ສົ່ງເສີມໃຫ້ບັນດາຊາວໜຸ່ມເຫັນຄວາມສຳຄັນໃນການຝຶກວິຊາຊີບ ແລະ ພັດທະນາສີມືແຮງງານໃຫ້ຫຼາຍຂຶ້ນ.
ກູ່ມບໍລິສັດ ລາວ ໂທລະຄົມ ມີຄວາມພາບພຸ່ມໃຈໃນການສ້າງສາພັດທະນາອາຊີບຂອງຄົນລາວ ເພື່ອສ້າງມູນຄ່າເພີ່ມໃຫ້ຄົນລາວເຮົາທຽບເທົ່າສາກົນ ລາວ ໂທລະຄົມ ຈະສືບຕໍ່ໃຫ້ການສະໜັບ ສະໜູນໃນແຕ່ລະດ້ານ ແລະ ພ້ອມຢູ່ຄຽງຂ້າງສັງຄົມລາວ ດັ່ງຄຳຂວັນທີ່ວ່າ “ ລາວ ໂທລະຄົມ ໂທລະຄົມຂອງຄົມລາວ ເພື່ອສັງຄົມລາວ We are Family”

ບໍລິສັດ ລາວໂທລະຄົມມະນາຄົມ ມະຫາຊົນ ສະໜັບສະໜູນການແຂ່ງຂັນສີມືແຮງງານ ຈໍານວນ 300,000,000 ກີບ

ບໍລິການ ແອັບພິເຄຊັນ ກຸ່ມ ບໍລິສັດ ລາວ ໂທລະຄົມ