Laotel ::

ບໍລິສັດ ລາວໂທລະຄົມມະນາຄົມ ມະຫາຊົນ ປະກອບສ່ວນຮັບໃຊ້ກອງປະຊຸມເຈົ້າຄອງນະຄອນ ຫລວງອາຊຽນ ແລະ ກອງປະຊຸມເວທີເຈົ້ານະຄອນອາຊຽນ ປີ 2024

ວັນທີ 18 ກັນຍາ 2024 ນີ້, ສປປ ລາວ ໄດ້ເປັນເຈົ້າພາບຈັດກອງປະຊຸມເຈົ້າຄອງນະຄອນຫລວງອາຊຽນ (MGMAC) ແລະ ກອງປະຊຸມເວທີເຈົ້ານະຄອນອາຊຽນ (AMF) ປີ 2024 ພາຍໃຕ້ຄໍາຂັວນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ເພື່ອການພັດທະນາແບບຍືນຍົງຂອງບັນດານະຄອນອາຊຽນ” ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ໂດຍການເຂົ້າຮ່ວມຂອງ ພະນະ ທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ.
ກອງປະຊຸມເຈົ້າຄອງນະຄອນຫລວງອາຊຽນ (MGMAC) ແລະ ກອງປະຊຸມເວທີເຈົ້ານະຄອນອາຊຽນ (AMF) ໄດ້ດໍາເນີນເປັນໄລຍະ 12 ປີ ມາແລ້ວ ນັບແຕ່ປີ 2012 ເປັນຕົ້ນມາ, ເຊິ່ງໄດ້ກາຍເປັນເວທີໃຫ້ແກ່ບັນດາການນໍາຂັ້ນທ້ອງຖິ່ນ ໄດ້ມີການພົບປະແລກປ່ຽນ ໂດຍສະເພາະບັນດາບົດຮຽນປະສົບການ ແລະ ສິ່ງທ້າທາຍຂອງນະຄອນຕົນ. ຊຶ່ງກອງປະຊຸມໃນຄັ້ງນີ້ແມ່ນຈະດໍາເນີນໃນລະຫວ່າງວັນທີ 18 – 21 ກັນຍາ 2024.
ບໍລິສັດ ລາວໂທລະຄົມມະນາຄົມ ມະຫາຊົນ ໄດ້ເປັນສ່ວນໜຶ່ງໃນການປະກອບສ່ວນຮັບໃຊ້ກອງປະຊຸມທາງດ້ານການໃຫ້ບໍລິການໂທລະຄົມ ເຊັ່ນ: ການສະໜອງສັນຍານອິນເຕີເນັດ Leased Line Bandwidth 1Gbps, ຕິດຕັ້ງເຄື່ອຂ່າຍ Wi-Fi, ຕິດຕັ້ງເສີມສັນຍານໂທລະສັບ. ພ້ອມດຽວກັນນີ້, ກໍໄດ້ສະໜອງເບີ “Jai Dee SIM” ຊີມນັກທ່ອງທ່ຽວທີ່ຮອງຮັບ 5G ພາຍໃນງານ ແລະ ຈຸດທີ່ພັກ ເພື່ອອໍານວຍຄວາມສະດວກດ້ານບໍລິການສັນຍານຮັບ-ສົ່ງຂໍ້ມູນຂ່າວສານໃຫ້ກັບສື່ມ່ວນຊົນ ແລະ ການໃຊ້ງານຂອງບັນດາເເຂກເຂົ້າຮ່ວມໃນກອງປະຊຸມຄັ້ງນີ້.
ພວກເຮົາຮູ້ສຶກເປັນກຽດ ແລະ ມີຄວາມພາກພູມໃຈຢ່າງຍິ່ງ ໃນການປະກອບສ່ວນຮັບໃຊ້ກອງປະຊຸມໃນຄັ້ງນີ້ ແລະ ຈະສືບຕໍ່ໃຫ້ການສະໜັບສະໜູນ ພ້ອມທັງສຸ່ມໃສ່ການພັດທະນາສິນຄ້າ-ບໍລິການ ເພື່ອຕອບໂຈດການຫັນເປັນດີຈິຕອນ ຂອງ ສປປ ລາວ

ບໍລິການ ແອັບພິເຄຊັນ ກຸ່ມ ບໍລິສັດ ລາວ ໂທລະຄົມ