ບໍລິສັດ ລາວໂທລະຄົມມະນາຄົມ ມະຫາຊົນ ມອບເງິນລາງວັນອັດສີດ 360,000,000 ກີບໃຫ້ນັກກິລາລາວ ທີ່ຍາດໄດ້ຫຼຽນລາງວັນໃນງານ ກິລາຊີເກມຄັ້ງທີ 31 ທີ ສສ ຫວຽດນາມ.

ໃນຕອນບ່າຍວັນທີ: 22 ກັນຍາ 2022 ຜ່ານມາ ທີ່ສໍານັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ຈັດພິທີມອບເງິນລາງວັນອັດສີດຂອງ ລາວ ໂທລະຄົມ ໃຫ້ກັບນັກກິລາລາວຜູ້ທີ່ຍາດໄດ້ຫຼຽນລາງວັນຈາກງານ ກິລາຊີເກມຄັ້ງທີ 31 ທີ່ ສສ ຫວຽດນາມ. ໃຫ້ກຽດເປັນປະທານ ແລະ ມອບເງິນລາງວັນໃນຄັ້ງນີ້ໂດຍ ທ່ານ ລັດຖະປັນຍາ ຂຽວວົງພະຈັນ ຮອງຜູ້ອໍານວຍການໃຫຍ່ ລາວ ໂທລະຄົມ ເຂົ້າຮ່ວມໃນພິທີມີຮອງຫົວໜ້າຝ່າຍການຕະຫຼາດ-ການຂາຍ,ຫົວພະແນກ ພ້ອມດ້ວຍນັກກິລາຈໍານວນ 34 ທ່ານເຂົ້າຮ່ວມ.

ງານກິລາຊີເກມຄັ້ງທີ 31 ທີ່ ສສ ຫວຽດນາມ ເປັນເຈົ້າພາບໄດ້ຈັດການແຂ່ງຂັນໃນລະຫວ່າງວັນທີ 12-23 ພຶດສະພາ 2022 ທີ່ຜ່ານມາ. ງານດັ່ງກ່າວນັກກິລາທີມຊາດລາວສາມາດຍາດໄດ້ 2 ຫຼຽນຄໍາ , 7 ຫຼຽນເງິນ ແລະ 33 ຫຼຽນທອງແດງ ລວມທັງໝົດ 42 ຫຼຽນ. ເຊິ່ງ ລາວ ໂທລະຄົມ ໄດ້ມອບເງິນລາງວັນອັດສີດລວມເປັນຈໍານວນເງິນທັງໝົດ 360,000,000 ກີບ.

ລາວ ໂທລະຄົມ ຮູ້ສຶກພາກພູມໃຈ ທີ່ໄດ້ເປັນສ່ວນໜຶ່ງໃນການສະໜັບສະໜູນນັກກິລາລາວ ມາໂດຍຕະຫຼອດ ແລະ ຂໍເປັນກຳລັງໃຈໃຫ້ນັກກິລາລາວ ໃນການສ້າງຊື່ສຽງໃຫ້ແກ່ປະເທດຊາດ ຕະຫຼອດໄປ ດັ່ງຄໍາຂວັນທີ່ວ່າ ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ.

img
img

View: 3145 | 9/27/2022 9:47:03 AM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0