ລາວ ໂທລະຄົມ ສົມທົບທຶນຊ່ວຍເຫຼືອປະຊາຊົນ ເເຂວງ ອຸດົມໄຊ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ

ລາວ ໂທລະຄົມ ໄດ້ສົມທົບທືນ ຊ່ວຍເຫຼືອປະຊາຊົນ ເເຂວງ ອຸດົມໄຊ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ໃນງານຄອນເສີດ “ ຮ່ວມພະລັງນໍ້າໃຈສິລະປີນລາວ “ ຈັດໂດຍ ສະມາຄົມສິລະປີນແຫ່ງຊາດ, ກົມສິລະປະວັດທະນະທຳ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເພື່ອເປັນການລະດົມວັດຖຸປັດໃຈ, ເຄື່ອງອຸປະໂພກ, ບໍລິໂພກ ນໍາເອົາໄປຊ່ວຍເຫຼືອປະຊາຊົນ ແຂວງ ອຸດົມໄຊ ທີ່ໄດ້ຮັບຜົນກະທົບຈາກໄພພິບັດດັ່ງກ່າວ.

ງານນີ້ຈັດຂຶ້ນໃນວັນສຸກ ທີ 23 ກັນຍາ 2022 ທີ່ຜ່ານມາ, ທີ່ກອງສີລະປະກອນແຫ່ງຊາດ ໂດຍການເປັນປະທານຂອງທ່ານ ບົວເງິນ ຊາພູວົງ, ສິລະປິນເເຫ່ງຊາດ, ປະທານສະມາຄົມສິລະປິນລາວ. ເຊິ່ງ ລາວ ໂທລະຄົມ ໄດ້ຮ່ວມສົມທົບທຶນລວມມູນຄ່າທັງໝົດ 23,160,000 ກີບ, ເຊິ່ງປະກອບດ້ວຍເງິນສົດ 10,000,000 ກີບ, ໂທລະສັບວິນໂຟນ ແລະ ມູນຄ່າໂທ ຈໍານວນ 05 ຊຸດ ມູນຄ່າ 2,500,000 ກີບ ແລະ Internet Leased Line ຄວາມໄວສູງ ມູນຄ່າ 10,660,000 ກີບ ເພື່ອຖ່າຍທອດສົດງານຄອນເສີດ ຮ່ວມພະລັງນໍ້າໃຈສິລະປິນລາວ, ໃຫ້ກຽດຂຶ້ນມອບໂດຍທ່ານ ຂວັນເມືອງ ເຄືອເອັມ ຮັກສາການຫົວໜ້າຝ່າຍການຕະຫຼາດ-ການຂາຍ ລາວ ໂທລະຄົມ ແລະ ຮັບໂດຍທ່ານ ບົວເງິນ ຊາພູວົງ ປະທານສະມາຄົມ ສິລະປິນແຫ່ງຊາດ. ລາວ ໂທລະຄົມ ຂໍເປັນກຳລັງໃຈໃຫ້ພໍ່ແມ່ພີ່ນ້ອງທຸກຄົນດ້ວຍ.

img
img

View: 3204 | 9/27/2022 8:54:21 AM | ຊ່ວຍເຫຼືອສັງຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0