ລາວ ໂທລະຄົມ ຂໍສະແດງຄວາມຍິນດີກັບ ນາງ ພຸດສະຫວັນ ວົງຄຳຊາວ ທີ່ຊະນະການປະກວດ Miss Grand 2022

ໃນວັນທີ 27 ສິງຫາ 2022 ທີ່ ຫໍປະຊຸມແຫ່ງຊາດ, ໃນການປະກວດ Miss Gard Laos 2022 ນີ້ ລາວ ໂທລະຄົມ ກໍ່ໄດ້ມີສ່ວນຮ່ວມໃນການ ອຸປະຖຳ Internet Leased Line ຄວາມໄວສູງ ເພື່ອນໍາໃຊ້ເຂົ້າໃນການ Live ສົດງານປະກວດ ພ້ອມດ້ວຍມອບເຄື່ອງທີ່ລະນຶກ ໃຫ້ແກ່ ນາງສາວຜູ້ທີ່ໄດ້ຮັບຕໍາແໜ່ງຊະນະເລີດ, ຮອງຊະນະເລີດອັນດັບທີ 1 ແລະ ຮອງຊະນະເລີດອັນດັບທີ 2 ລວມມູນຄ່າທັງໝົດ 19,266,000 ກີບ. ໃຫ້ກຽດຂື້ນຮັບໃບກຽດຕິຄຸນ ໂດຍ ທ່ານ ອາລຸນນະເດດ ບານຈິດ ຮອງຜູ້ອຳນວຍການໃຫຍ່ ລາວ ໂທລະຄົມ ແລະ ໃຫ້ກຽດຂື້ນມອບເຄື່ອງທີ່ລະນຶກໂດຍ ທ່ານ ເພັດສະຫວັນ ເຄີນວິໄລ ຮອງຫົວໜ້າຝ່າຍ ການຕະຫຼາດ ແລະ ການຂາຍ ລາວ ໂທລະຄົມ. ໂດຍຜູ້ຊະນະການປະກວດໃນຄັ້ງນີ້ຈະໄດ້ເປັນຕົວແທນໃຫ້ແກ່ປະເທດລາວ ເຂົ້າໄປແຂ່ງຂັນຕໍ່ໃນເວທີລະດັບສາກົນ ທີ່ຈະຈັດຂື້ນໃນທ້າຍປີນີ້ ທີ່ປະເທດ ອິນໂດເນເຊຍ. ລາວ ໂທລະຄົມ ຂໍສົ່ງແຮງໃຈໃຫ້ແກ່ Miss Grand Laos 2022 ໃນການນຳເອົາວັດທະນະທຳອັນດີງາມຂອງລາວ ໄປເຜີຍແຜ່ໃນລະດັບສາກົນ ແລະ ຂໍໃຫ້ນ້ອງຈົ່ງປະສົບຜົນສຳເລັດ ສາມາດນຳເອົາຊື່ສຽງມາສູ່ປະເທດລາວຕໍ່ໄປ.

img
img

View: 3997 | 8/31/2022 9:40:42 AM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0