ລາວ ໂທລະຄົມຈັດງານປະກວດແຂ່ງຂັນເຕັ້ນ K-POP cover dance ຄັ້ງທີ 2.

ໃນວັນທີ 25-26 ມິຖຸນາ 2022 ທີ່ ສູນການຄ້າ ວຽງຈັນເຊັນເຕີ ນະຄອນຫຼວງວຽງຈັນ ໄດ້ຈັດການແຂ່ງຂັນ K-POP Cover Dance ຄັ້ງທີ 2 ງານໃນຄັ້ງນີ້ຈັດຂື້ນເພື່ອເປີດໂອກາດໃຫ້ ໄວໜຸ່ມລາວໄດ້ສະແດງຄວາມສາມາດ, ເປັນ​ບາດກ້າວ​ນຶ່ງ​ໃນ​ການ​ພັດທະນາ​ຊາວ​ໜຸ່ມ ​ແລະ ພັດທະນາ​ທີມ​ເພື່ອ​ເຂົ້າ​ແຂ່ງຂັນ​ລະດັບ​ສາກົນ. ໃນງານດັ່ງກ່າວ ກຸ່ມ ບໍລິການ ລາວໂທລະຄົມ ຈັດງານຕະຫຼາດນັດ ຂອງຄົນຍຸກໃໝ່ Lao Telecom Market ເພື່ອນຳນະວັດຕະກຳການບໍລິການໃໝ່ໆ ມາສົ່ງມອບໃຫ້ບັນດາທ່ານ. ນອກຈາກນັ້ນ ຍັງມີຮ້ານອາຫານ, ເຄື່ອງແຟຊັ້ນ, ເຄື່ອງອຸປະກອນການສື່ສານຈາກ ຄູ່ຮ່ວມທຸລະກິດຂອງພວກເຮົາ ພິເສດພາຍໃນງານຈັດການແຂ່ງຂັນ LTC K-POP Zeed ເຊິ່ງຈັດໃນຮູບແບບ K-POP Cover Dance ຊິງເງິນລາງວັນລວມ ຈຳນວນ 10,000,000 ກີບ ພ້ອມກິດຈະກຳຫຼີ້ນເກມ LTC Game ເພື່ອລຸ້ນຮັບລາງວັນຫຼາກຫຼາຍ ພ້ອມຮັບເຄື່ອງຫຼຸດແລກແຈກເຄື່ອງແຖມຫຼາຍລາຍການ. ການແຂ່ງຂັນເຕັ້ນ K-POP Cover Dance ມີທີມເຂົ້າຮ່ວມແຂ່ງຂັນທັງໝົດຈຳນວນ 10 ທີມຄື: Blacklist, Dominnace, Exizt, Will Be, Hunter Queen, NinetyNine, G Power, NEW-Mixx, NEZVIL, Precious. ຮູບແບບການ ແຂ່ງຂັນປະກວດເຕັ້ນ ໃຫ້ແຕ່ລະທີມຂື້ນປະກວດເຕັ້ນໂຊຜົນງານຂອງຕົນ ໂດຍມີຄະນະກຳມະການກິດຕິມະສັກທີ່ໃຫ້ຄະແນນໃນການຕັດສິນ ຈຳນວນ 5 ທ່ານຄື: ທ່ານນາງ ພວງລາວັນ ພົນວິໄຊ ຮອງຫົວໜ້າພະແນກການຕະຫຼາດ ບໍລິສັດ ລາວໂທລະຄົມມະນາຄົມ ມະຫາຊົນ, ທ່ານນາງ ທິບເກສອນ ຫຼວງລາດ Brand manager ບໍລິສັດ ທີພລັດດິຈິຕອນ ຈຳກັດຜູ້ດຽວ, ທ່ານ ໄຊຍະຈັກ ຄູສອນເຕັ້ນ ແລະ ປະທານສູນສອນເຕັ້ນ The-X, ທ່ານ ພຸດທິສາ ໂອພີມສັກດາ ຄູ Zumba. Influrencer page ຫຼີຫຼຽວ ແລະ DJ. ທີມໄດ້ຮັບ ລາງວັນຊະນະເລີດ ອັນດັບ 1 ຄື: ທີມ Dominnace ຮັບເງິນລາງວັນ 4,000,000 ກີບ ຂຶ້ນໃຫ້ກຽດມອບໂດຍ ທ່ານ ເຄນ ສະຕຼຸດເກີ້ ຮອງຫົວໜ້າຝ່າຍການຕະຫຼາດ ແລະ ການຂາຍ, ລາງວັນຮອງຊະນະເລີດ ອັນດັບ 1 ຄື: ທີມ Precious ຮັບເງິນລາງວັນ 3,000,000 ກີບ ແລະ ລາງວັນຮອງຊະນະເລີດ ອັນດັບ 2 ຄື: ທີມ Blacklist ຮັບເງິນລາງວັນ 2,000,000 ກີບ ຂຶ້ນໃຫ້ກຽດມອບໂດຍ ທ່ານ ເດຊານົນ ບູຣະນະປິນ ຮັກສາການ ຫົວໜ້າພະແນກການຕະຫຼາດ. ສຸດທ້າຍນີ້ຍີນດີກັບທີມທີໄດ້ຮັບລາງວັນຊະນະເລີດ ໃນການແຂ່ງຂັນ ຄັ້ງນີ້ ແລະ ລູກຄ້າທຸກທ່ານທີໄດ້ເຂົ້າຮ່ວມງານພວກເຮົາ, ກຸ່ມ ບໍລິສັດ ລາວ ໂທລະຄົມ ຈະນຳສິ່ງດີມາມອບໃຫ້ທຸກທ່ານຕະຫຼອດໄປ ສົມຄຳວ່າ ລາວໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ.

img
img

View: 3490 | 6/29/2022 4:36:58 PM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0