ເຄັດບໍ່ລັບກວດເບິງດາຕ້າວ່າຫມົດນຳຫຍັງ ?

img

ຖ້າຫາກທ່ານເຄີຍສົງໄສວ່າ ດາຕ້າ ອິນເຕີເນັດໃນມືຖືຂອງທ່ານເປັນຫຍັງຄືຫມົດໄວແທ້ ທັງໆທີ່ເຮົາບໍ່ທັນໄດ້ກົດເຂົ້າເບິ່ງແອັບຫຍັງເທືອ. ສະນັ້ນ ມື້ນີ້ ບົດຂ່າວໄອທີ ຂໍເລົ່າສູ່ຟັງ ບາງວິທີໃນການກວດເບິງວ່າ ດາຕ້າເຮົາຫມົດຍ້ອນໂຕເຮົາເອງ ຫຼື ຍ້ອນຫຍັງ ທີ່ບາງທ່ານອາດຍັງບໍ່ຮູ້ດັ່ງນີ້:

1. I-phone

ກ່ອນອື່ນເຮົາຕ້ອງເປັນຄົນຫມັ່ນສັງເກດ ໂທລະສັບຂອງເຮົາເອງ ໂດຍສະເພາະໂທລະສັບໄອໂຟນ ແລະ ໂອໂຟນບາງຫນ່ວຍກໍ່ແມ່ນກີນດາຕ້າອິນເຕີເນັດຫລາຍ, ບາງຫນ່ວຍກໍ່ບໍ່ຫມົດດາຕ້າຫລາຍ ສະນັ້ນ ຈື່ງຕ້ອງສັງເກດວ່າ ໃນມືຖືເຮົາມີແອັບຫລາຍເກີນໄປບໍ່ຈື່ງເຮັດໃຫ້ ດາຕ້າຫມົດໄວ ທັງທີຍັງບໍ່ທັນໄດ້ກົດເຂົ້າແອັບເທືອ.

ໃຫ້ທ່ານເຂົ້າໄປທີ່ ການຕັ້ງຄ່າ (Setting) ຈາກນັ້ນເຂົ້າໄປຫົວຂໍ້ ເຊລູລ້າ (Cellular) ແລະ ເລືອກຫົວຂໍ້ (ຂໍ້ມູນດາຕ້າ) (Cellular Data) > ເມືອເຂົ້າໄປໃນຫົວຂໍ້ນີ້ທ່ານຈະເຫັນວ່າ ແອັບພິເຄຊັນໃດ ທີ່ກີນປະລິມານດາຕ້າຫລາຍກວ່າຫມູ່ ຈາກຫລາຍໄປຫາຫນ່ອຍ ເຊິງຈະລວມເອົາ ປະເພດແອັບອື່ນໆທີ່ຢູ່ໃນມືຖືນຳ ໂດຍທີ່ທ່ານຈະສັງເກດເຫັນວ່າ ແອັບເຫລົ່ານັ້ນທ່ານບໍ່ເຄີຍກົດເຂົ້າໄປ ແຕ່ກໍ່ມີການນຳໃຊ້ດາຕ້າ, ສະນັ້ນແລ້ວ ດາຕ້າໃນມືຖືຂອງທ່ານຈະຫມົດໄວ, ຫລາຍ ຫລື ຫນ່ອຍ ກໍ່ແມ່ນສາມາດປັບແກ້ໄຂພຶດຕິກຳຂອງທ່ານໄດ້.

ນອກນີ້ພິເສດ ເວລາທີ່ມີການຕັ້ງແພັກເກັດໃຫມ່ທຸກຄັ້ງ ສຳລັບມືຖືໄອໂຟນ, ແມ່ນຢາກໃຫ້ໄປກົດ Reset ການຄຳນວນດາຕ້າໃຫ້ໄປ ສູນ ສາກ່ອນ ເພື່ອທ່ານຈະໄດ້ເຫັນປະລິມານດາຕ້າທີ່ກີນໄປ ກົງກັບແພັກເກັດທີ່ຕັ້ງໄວ້ພໍດີ.

img

2. Android (ຕົວຢ່າງ Samsung).

ສຳລັບມືຖືປະເພດແອນດອຍ ຈະມີການເບິງທີ່ງ່າຍເຊັ່ນກັນ, ທັງສາມາດແຈ້ງເຕືອນໄດ້ພ້ອມວ່າ ດາຕ້າຫມົດໄປທໍ່ໄດ້ແລ້ວ ແລະ ກົງກັບແພັກເກັດທີ່ເຮົາໄດ້ຊື້ໄວ້ ໂດຍປະຕິບັດດັ່ງນີ້: ໄປທີ່ ການຕັ້ງຄ່າ Settings > ເລືອກຫົວຂໍ້ Connections > ແລ້ວເລືອກຫົວຂໍ້ Data Usage: ທ່ານຈະສັງເກດເຫັນ ການນຳໃຊ້ດາຕ້າ ທັງຊີມ 1 ແລະ ຊີມ 2

> ຖ້າຫາກທ່ານເລືອກທີ່ຈະນຳໃຊ້ ອິນເຕີເນັດມືຖື ເປັນຊີມ 1 ແມ່ນໃຫ້ເລືອກຫົວຂໍ້ > Mobile data usage ທີ່ຢູ່ໃນແຖວຫົວຂໍ້ຊີມ 1 , ໃນສ່ວນນີ້ ທ່ານຈະເຫັນລາຍລະອຽດເລີຍວ່າ ດາຕ້າ ຫມົດໄປກັບແອັບໃດຫລາຍກວ່າຫມູ່ ລຽງລຳດັບຈາກຫລາຍໄປຫາຫນ່ອຍ. ເຊິ່ງທຸກແອັບແມ່ນຈະຕ້ອງໃຊ້ດາຕ້າຫມົດ ບໍ່ແມ່ນແຕ່ແອັບທີ່ທ່ານໂຫລດມາ ແລ້ວຈະກີນແຕ່ດາຕ້າໂຕນັ້ນ, ບໍ່ແມ່ນເນາະ ເພາະທຸກແອັບໃນມືຖືຈະກີນດາຕ້າ ອິນເຕີເນັດທັງຫມົດ ເຮັດໃຫ້ມືຖືບາງທ່ານທີ່ແອັບຫລາຍ ກໍ່ຈະຫມົດໄວ້ເປັນພິເສດ.

ຢ່າລືມວ່າ ສາມາດຕັ້ງຄ່າໃຫ້ມືຖືມີການແຈ້້ງເຕືອນຕາມແພັກເກັດທີ່ຊື້ໄວ້ ເຊັ່ນ: 5Gb 3ມື້ , ກໍ່ແມ່ນລາກເສັ້ນການແຈ້ງເຕືອນໄປທີ່ 5GB

img

ທ້າຍນີ້ ເຄັດບໍ່ລັບໃນການກວດເບິງວ່າ ດາຕ້າຫມົດໄວ ຫມົດຫລາຍ ຫມົດຍ້ອນຫຍັງ ຍັງມີອີກຫລາຍວິທີ ທີ່ລະອຽດຂື້ນຕື່ມ, ຖ້າຫາກທ່ານໃດຮູ້ ກໍ່ສາມາດແບ່ງປັນນຳກັນໄດ້ຕື່ມ ຢູ່ຄອມເມັ້ມບົດຄວາມເດີ, ໂອກາດໜ້າຈະແມ່ນ ບົດຄວາມໄອທີເລື້ອງໃດ..ໃຫ້ທ່ານຕິດຕາມ ແລະ ສາມາດສະເໜີ ຄຳເຫັນ ຫຼື ຄອມເມັ້ນໃສ່ທາງກ້ອງ ບົດຄວາມໄດ້ເລີຍເດີ.

View: 14930 | 1/5/2022 3:21:48 PM | ຂ່າວສານ ດິຈິຕອນ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0