5 Feature ລັບ ຂອງ Windows 11

ຖ້າຫາກທ່ານເຄີຍເຂົ້າໃຊ້ວຽກຄອມພິວເຕີ ລະບົບປະຕິບັດການ Windows ເປັນປົກກະຕິແລ້ວ, ຫຼາຍທ່ານອາດຮູ້ຈັກ ແລະ ລຶ້ງເຄີຍເປັນຢ່າງດີ ແຕ່ໃນທຸກໆ 2-3 ເດືອນ Microsoft ມັກສິມີການເປີດໂຕ Feature ໃໝ່ຢູ່ Windows, ສະນັ້ນ ມື້ນີ້ ບົດຂ່າວໄອທີ ຂໍແນະນຳ ບາງຄວາມສາມາດຂອງ ລະບົບປະຕິບັດການ Windows ທີ່ບາງທ່ານອາດຍັງບໍ່ຮູ້ ດັ່ງນີ້:

1. Feature ສັ່ນໆໃຫ້ກະຈາຍ.

ເວົ້າເລື້ອງການເປີດຫນ້າຕາງ ແອັບບາວເຊີ ຂອງວີນໂດ້ ໄວ້ຫຼາຍໆໜ້າຕ່າງ ຈົນບາງເທືອທ່ານຕ້ອງການປິດພ້ອມກັນບາດດຽວ ແລະ ຈົ່ງເຫຼືອໄວ້ແຕ່ ຫນ້າຕ່າງທີ່ເຮົາຕ້ອງການ ແມ່ນປະຕິບັດດັ່ງນີ້: ເອົາເມົ້າໄປຄລິກໃສ່ ຄ້າງໄວ້ ຫົວແຖບຂອງແອັບທີ່ຕ້ອງການຈົ່ງໄວ້ ໂດຍບໍ່ປິດອອກ ແລ້ວ ຈັບສັ່ນໆ ແຮງໆ ແອັບທັງຫມົດທີ່ເປີດຄ້າງໄວ້ ຈະຖືກປິດ ແລະ ເຫຼືອໄວ້ແຕ່ແອັບທີ່ເຮົາເອົາເມົ້າຄລິກໃສ່.

2. ປິດການໃຊ້ງານໂທນສີ ຖ້າຄອມເຮົາເປັນລຸ້ນສະເປັກບໍ່ແຮງ.

ສຳລັບວີນໂດ້ 10 ແລະ 11 ນັ້ນ, ແມ່ນມີໂທນສີ ເງົາ ແລະ ແສງສີ ຕ່າງໆ ທີ່ເຮັດວີນໂດ້ ສວຍງາມຂື້ນ, ແຕ່ແນ່ນອນວ່າ ມັນອາດບໍ່ເໝາະສົມ ກັບຄອມພິວເຕີລຸ່ນເກົ່າ ຫຼື ລຸ້ນທີ່ສະເປັກບໍ່ສູງ ຍ້ອນວ່າ ມັນອາດດຶງເອົາຊັບພະຍາກອນ ຂອງເຄື່ອງມາໃຊ້ຫຼາຍເກີນໄປ ຈົນເຮັດໃຫ້ໜັກເຄື່ອງ ສະນັ້ນ ເຮົາຄວນຈັດການປິດມັນສະ ໂດຍປະຕິບັດດັ່ງນີ້: ໄປທີ່ ການຕັ້ງຄ່າ Settings > ເລື່ອນລົງລຸ່ມສຸດ ເລືອກ About > Advanced System Settings, ເລືອກຫົວຂໍ້ Advances > ເລືອກ Performance Section > Virtual Effect > ຈາກນັ້ນ ທ່ານສາມາດປັບຄ່າໄດ້ຕາມຕ້ອງການເລີຍ.

3. ລ້າງຟາຍຢູ່ສະເໝີໂດຍໃຊ້ Storage Sense

ຫາກທ່ານໃດມັກເຂົ້າເວັບໄຊຫຼາຍ ຫຼື ມີການກົດດາວໂຫລດຟາຍຕ່າງໆ ຈົນລືມລົບອອກ ເຮັດໃຫ້ເຄື່ອງມີພື້ນທີ່ເຕັມ, ແນະນຳໃຫ້ເປີດການໃຊ້ງານ Storage Sense ຊື່ງການເຮັດວຽກແມ່ນຄ້າຍຄື Disk Cleanup ເຊິ່ງຊ່ວຍເພີ່ມພື້ນທີ່ໃຫ້ກັບຄອມພິວເຕີຂອງທ່ານ ໂດຍການລົບສິ່ງຕ່າງໆ ທີ່ບໍ່ໄດ້ໃຊ້ແລ້ວເຊັ່ນ: ຟາຍຢູ່ໃນ Recycle, ຟາຍອິນເຕີເນັດຊົວຄາວ ແລະ ຟາຍຂອງແອັບຕ່າງໆ ລວມໄປຮອດຟາຍການດາວໂຫລດນຳ. ສະນັ້ນ ວິທີການເປີດໃຊ້ງານແມ່ນປະຕິບັດດັ່ງນີ້: ເຂົ້າໄປການຕັ້ງຄ່າ Setting > System > Storage : ກົດເລືອກເປີດ Storage Sense ແລ້ວເລືອກ Configure Storage Sense or run it now ຈາກນັ້ນ ເລືອກວ່າ ຈະໃຫ້ເຮັດວຽກ ທຸກມື້, ທຸກອາທິດ ຫຼື ທຸກເດືອນ.

4. ເລືອກປິດການໃຊ້ງານແອັບຢູ່ເບື້ອງຫຼັງ

ໂດຍປົກກະຕິແລ້ວ ແອັບສ່ວນຫຼາຍທີ່ເຮົາຕິດຕັ້ງໄວ້ຢູ່ຄອມພິວເຕີ ຈະຍັງຄົງເຮັດວຽກຂອງມັນຢູ່ ເຖິງແມ່ນວ່າເຮົາຈະບໍ່ໄດ້ເປີດແອັບນັ້ນໆ ຂື້ນມາໃຊ້ງານກໍ່ຕາມ, ເຊິງໃນນີ້ ເຮັດໃຫ້ມີການສີ້ນເປື້ອງ ສັບພະຍາກອນຂອງຄອມພິວເຕີເຮົາຫຼາຍ ແຕ່ ເຮົາສາມາດເລືອກໃຫ້ມັນ ເຮັດວຽກຕາມທີ່ຕ້ອງການໄດ້ ອີກທັງຍັງເປັນການເພີ່ມຄວາມໄວໃຫ້ກັບ ຄອມພິວເຕີຂອງທ່ານ ແລະ ປະຢັດພະລັງງານ ແບັດເຕີລີ ໄດ້ຫຼາຍຂື້ນ ໂດຍສະເພາະຄອມ Note Book, ວິທີການປະຕິບັດດັ່ງນີ້: ໄປທີ່ ການຕັ້ງຄ່າ Setting > ເລືອກ Privacy > Background Apps ຈາກນັ້ນ ເລືອກປິດແອັບທີ່ເຮົາບໍ່ຄ່ອຍໄດ້ໃຊ້ງານຕະຫຼອດ ເຊິງແລ້ວແຕ່ວ່າຈະເລືອກປິດໂຕໃດ ຕາມການໃຊ້ງານຂອງແຕ່ລະຄົນ..

5. ຕີກອບ ຟັງຊັ່ນ ການຄົ້ນຫາ

ເມືອເຮົາຄົ້ນຫາສິ່ງໃດໆ ກໍ່ຕາມ ຈາກແຖບການຄົ້ນຫາຂອງ Windows ລະບົບມັກຈະສຳຫຼວດສະເພາະ ຕຳແໜ່ງທີ່ເຮົາມີການໃຊ້ງານຫຼາຍທີ່ສຸດ ເຊັ່ນ: Libraries ແລະ ໂຟເດີດາວໂຫລດຂອງເຮົາ ເພື່ອຄົ້ນຫາຟາຍໃຫ້ໂດຍໄວທີ່ສຸດ, ແຕ່ບັນຫາແມ່ນ: ເຮົາຢາກຄົ້ນຫາຟາຍເກົ່າໆ ຊື່ງຫຼາຍທ່ານຈະຄົ້ນພົບວ່າ ກົດຊອກຫາ ແລ້ວບໍ່ເຫັນ ຕ້ອງໄດ້ໄປຄ່ອຍໆ ຊອກຫາແຕ່ລະ ໂຟເດີ. ເຊິ່ງເຮັດໃຫ້ຊັກຊ້າ ແລະ ເສຍເວລາ. ດັ່ງນັ້ນວິທີແກ້ໄຂແມ່ນ ປະຕິບັດດັ່ງນີ້: ໄປທີ່ການຕັ້ງຄ່າ Settings > Search > Searching Windows ໃນຫົວຂໍ້ Find My File ແລ້ວເລືອກປ່ຽນຈາກ Classic ໄປເປັນແບບ Enhanced ແທນໂຕເກົ່າ. - ແລະ ທັງໝົດນີ້ ຄື 5 ເຄັດບໍ່ລັບ ໃນການໃຊ້ງານ ລະບົບປະຕິບັດການ Windows ມາຝາກທຸກທ່ານ ໂອກາດໜ້າຈະແມ່ນ ບົດຄວາມໄອທີເລື້ອງໃດ..ໃຫ້ທ່ານຕິດຕາມ ແລະ ສາມາດສະເໜີ ຄຳເຫັນ ຫຼື ຄອມເມັ້ນໃສ່ທາງກ້ອງ ບົດຄວາມໄດ້ເລີຍເດີ.

img

View: 11463 | 11/23/2021 9:10:18 PM | ຂ່າວສານ ດິຈິຕອນ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0