ວິທີປ່ຽນ File PDF ເປັນ Microsoft Word

ຫຼາຍທ່ານຄົງຈະຮູ້ແລ້ວ ສຳລັບຜູ້ທີ່ເຮັດວຽກກ່ຽວກັບເອກະສານຕະຫຼອດ, ໃນການປ່ຽນຟາຍເອກະສານ ທີ່ເປັນແບບ PDF ໄປເປັນແບບ ເອກະສານຮູບແບບ Word ເພື່ອຈະແກ້ໄຂ ດັດແກ້ຂໍ້ມູນ ທີ່ບໍ່ຖືກຕ້ອງຕ່າງໆ. ແຕ່ຖ້າທ່ານໃດຍັງບໍ່ທັນຮູ້ ບົດຄວາມໄອທີ ມື້ນີ້ ຫວັງວ່າຈະເປັນປະໂຫຍດໃຫ້ແກ່ທ່ານ ບໍ່ຫຼາຍກໍ່ໜ່ອຍ... ວິທີການປະຕິບັດດັ່ງນີ້:

- ຫຼັງຈາກທີ່ໄດ້ຮັບຟາຍເອກະສານເປັນ PDF ມາແລ້ວ ແລະ ຕ້ອງການຈະກວດແກ້ໄຂໂດຍບໍ່ຕ້ອງລໍຖ້າ ຕົ້ນສະບັບສົ່ງຟາຍ Word ມາແມ່ນ:

- ເຂົ້າໄປເວັບໄຊ Google.

- ພີມຊອກຫາ Convert PDF To Jpeg.

- ເລືອກໃຊ້ ເວັບໄຊໃດໜື່ງ, ຫຼັງຈາກນັ້ນເຂົ້າໄປປ່ຽນ PDF ໃຫ້ເປັນຟາຍ Jpeg ໃຫ້ຮຽບຮ້ອຍ.

- ເມືອສຳເລັດ ໃຫ້ທຳການ ດາວໂຫລດ ຟາຍທີ່ເຮົາປ່ຽນເປັນ Jpeg ນັ້ນ.

- ຂັ້ນຕອນຕໍໍ່ມາ ທ່ານຈະຕ້ອງມີ E-Mail ເປັນ Gmail ເພື່ອໃຊ້ Log in ເຂົ້າໃຊ້ Google Drive.

- ເມືອທ່ານເຂົ້າໃຊ້ Google Drive ແລ້ວ ໃຫ້ອັບໂຫລດ ຟາຍ Jpeg ທີ່ເຮົາໄດ້ມາຈາກການ ປ່ຽນຈາກ PDF , ອັບໂຫລດ ໃຫ້ໄປຢູ່ໃນ Google Drive ຂອງ ທ່ານ.

- ຈາກນັ້ນ ໃຫ້ເປີດຟາຍ Jpeg ທີ່ເຮົາໄດ້ອັບໂຫລດຟາຍໄປໄວ້ຢູ່ Google Drive ເປີດຂື້ນມາ ແລ້ວ Click ຂວາ.

- ເລືອກເປີດດ້ວຍ (Open With) ແລ້ວເລືອກ Google Docs.

- ຂັ້ນຕອນນີ້ ຟາຍ Jpeg ທີ່ເບື້ອງຕົ້ນເປັນຟາຍ PDF ທີ່ເຮົາຕ້ອງການປ່ຽນ ແລະ ແກ້ໄຂ ເປັນຟາຍເອກະສານ Word. ສຳເລັດແລ້ວ ຈະສັງເກດເຫັນວ່າ ທຳອິດແມ່ນຟາຍຮູບພາບ ທີ່ເປັນຕົວຢ່າງ, ເລື່ອນລົງ ຈະແມ່ນຂໍ້ຄວາມ ເນື້ອຫາ ຂອງເອກະສານ ທີ່ສາມາດແກ້ໄຂ ດັດແກ້ໄດ້ ໃນທີ່ນີ້ ຍັງບໍ່ແນະນຳໃຫ້ແກ້ ໄຂເທືອ. ໃຫ້ກົດປິດຫນ້າຕ່າງນີ້ ແລ້ວອອກໄປທີ່ຫນ້າເລີ້ມຕົ້ນທຳອິດຂອງ Google Drive ເພື່ອຊອກຫາ ຟາຍທີ່ຖືກແປງ ເປັນນາມສະກຸນ Word.

- ໃຫ້ທ່ານກົດ Click ຂວາ ດາວໂຫລດ ຟາຍ Word ທີ່ຢູ່ໃນ Google Drive.

- ເມືອໄດ້ຟາຍທີ່ດາວໂຫລດມາແລ້ວ ທ່ານກໍ່ສາມາດກົດເປີດດ້ວຍ Microsoft Word ແລະ ສາມາດແກ້ໄຂເອກະສານໄດ້ຕາມຕ້ອງການເລີຍ.

ບົດຄວາມນີ້ ອາດຈະຍາວນ່ອຍໜື່ງ ແຕ່ຫວັງວ່າຈະເປັນປະໂຫຍດໃຫ້ແກ່ທຸກທ່ານ ບໍ່ຫຼາຍກໍ່ໜ່ອຍ ໃນຍຸກ Digital ແບບນີ້.

img

View: 10712 | 10/26/2021 4:57:30 PM | ຂ່າວສານ ດິຈິຕອນ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0