ເຮັດວຽກເອກະສານອອນລາຍງ່າຍໆ ດ້ວຍ Google Docs

Google Docs ແມ່ນໂປຣແກມພີມເອກະສານ ຄ້າຍຄືກັບ Microsoft Word ແຕ່ຈະເປັນການໃຊ້ວຽກແບບອອນລາຍ (Online) ຕອບໂຈດຜູ້ທີ່ເຮັດວຽກແບບ Work From Home ໃນຍຸກປະຈຸບັນ, ເພາະນອກຈາກຈະສາມາດສ້າງ ແລະ ຈັດຮູບແບບເອກະສານ ໄດ້ແລ້ວ ຍັງສາມາດເຮັດວຽກຮ່ວມກັບຜູ້ອື່ນໄດ້ນຳແບບອອນລາຍນັ້ນເອງ. ເນື່ອງຈາກວ່າມີຄວາມສະດວກ ແລະ ສາມາດໃຊ້ໄດ້ ຟຣີ, IT Easy ມື້ນີ້ຈະມາເເນະນຳວິທີນຳໃຊ້ Google Docs ເບື້ອງຕົ້ນສໍາລັບມືໃຫມ່ມາບອກ ດັ່ງນີ້: (( ການເລີ້ມຕົ້ນໃຊ້ງານ ))

- ກ່ອນຈະໃຊ້ງານ Google Docs ຜູ້ໃຊ້ ຕ້ອງມີບັນຊີ Google ຫຼື E-Mail ກ່ອນ ເພື່ອໃຊ້ Log In ເຂົ້າໃຊ້ບໍລິການ.

- ເມືອມີບັນຊີແລ້ວ ໃຫ້ໄປໜ້າເວັບໄຊ https://docs.google.com

- ເລືອກຮູບແບບໜ້າເອກະສານ ທີ່ເຮົາຕ້ອງການສ້າງໄດ້ເລີຍ

- ສາມາດແກ້ໄຂ ແລະ ເພີ້ມຮູບແບບໃຫ້ກັບຂໍ້ຄວາມ, ມີແຖບອຸປະກອນ ເມນູຕ່າງໆ ໃຫ້ສາມາດປັບປ່ຽນຮູບແບບເອກະສານໄດ້, ໂດຍລວມຄ້າຍຄືກັບ Microsoft Word

(( ວິທີແຊເອກະສານເພື່ອເຮັດວຽກກັບຜູ້ອື່ນ ))

- 1. ໃນການແຊ (Share) ເອກະສານໃຫ້ຜູ້ອື່ນນັ້ນ ສາມາດເຮັດໄດ້ໂດຍການກົດປຸ່ມ (Share) ຢູ່ທາງເທິງຂວາມືສຸດ ແລະ ຕັ້ງຊື່ໃຫ້ກັບເອກະສານດັ່ງກ່າວ.

- 2. ເລືອກວ່າຈະແຊ (Share) ເອກະສານໃຫ້ໃຜແດ່ ຫຼື ຈະເລືອກເປັນວິທີສົ່ງລິ້ງ ກໍ່ໄດ້ເຊັ່ນກັນ ເພາະເປັນວິທີ ທີ່ສະດວກສຸດ ສາມາດກຳນົດສິດທິຜູ້ເຂົ້າມາເບິງເອກະສານໄດ້ ແລະ ໃຜທີ່ສາມາດແກ້ໄຂ ເອກະສານໄດ້.

- 3. ສຸດທ້າຍ ພາຍຫລັງທີ່ໄດ້ແກ້ໄຂ ແລະ ເອກະສານສົມບູນແບບຕາມຕ້ອງການແລ້ວ ເຮົາສາມາດບັນທຶກ ຫຼື Save ເປັນຟາຍ Microsoft Word ໄດ້ອີກນຳ. ໂດຍການປະຕິດບັດດັ່ງນີ້: > ກົດເມນູຟາຍ > ດາວໂຫລດ > ເລືອກເປັນ Microsoft Word (.docx)

- ແລະ ທັງໝົດນີ້ກໍ່ຄືວິທີການໃຊ້ Google Docs ເບື້ອງຕົ້ນ ເພື່ອເຮັດວຽກແບບອອນລາຍ ໃນຍຸກ Digital ແບບນີ້ ແລະ ຫວັງວ່າຈະເປັນປະໂຫຍດ ສຳລັບມືໃຫມ່ ຜູ້ເລີ້ມຕົ້ນ, ເປັນປະໂຫຍດຕໍ່ວຽກງານຂອງທ່ານ ໄດ້ບໍ່ຫຼາຍກໍ່ຫນ່ອຍ. ເພາະການບໍ່ອອກເຮືອນ ແລະ ເຮັດວຽກຢູ່ເຮືອນ ກໍ່ສາມາດຊ່ວຍທ່ານໃຫ້ປອດໄພຈາກພະຍາດ ໂຄວິດ 19 ໄດ້ພ້ອມ.

img

View: 10687 | 10/12/2021 3:01:35 PM | ຂ່າວສານ ດິຈິຕອນ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0