ກອງປະຊຸມ ສະຫຼຸບຕີລາຄາການ ຊີ້ນຳ-ນຳພາ ຂອງຄະນະພັກຮາກຖານ ລລທ ໄຂຂື້ນ ແລະ ອັດລົງດ້ວຍຜົນສໍາເລັດຢ່າງຈົບງາມ.

ໃນວັນທີ 13 ສິງຫາ ປີ 2021, ເວລາ 14.00 ໂມງ, ບໍລິສັດ ລາວ ໂທລະຄົມມະ ນາຄົມມະຫາຊົນ ໄດ້ເປີດກອງປະຊຸມເພື່ອສະຫຼຸບຕີລາຄາການ ຊີ້ນຳ-ນຳ ພາຂອງຄະນະພັກຮາກຖານ ລລທ ໃນ 06 ເດືອນຕົ້ນປີ 2021 ໂດຍການ ເປັນປະທານຂອງ ສະຫາຍ ບັນດິດ ສາດສະດາຈານ ບໍ່ວຽງຄໍາ ວົງດາລາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງເຕັກໂນໂລ ຊີ ແລະ ການສື່ສານ, ສະຫາຍໄດ້ນໍາເອົາປະສົບການ, ຫົວຄິດປະດິດສ້າງ, ຄວາມເປັນຫ່ວງເປັນໄຍ ແລະ ຄວາມເອົາໃຈໃສ່ຕໍ່ການຊີ້ນໍາ-ນໍາພາ ໃນການ ດໍາເນີນທຸລະກິດຂອງ ບໍລິສັດ ລາວ ໂທລະຄົມມະນາຄົມ ມະຫາຊົນ. ສະຫາຍ ຍັງໄດ້ໃຫ້ທິດຊີ້ນໍາຕໍ່ຄະນະພັກ ພ້ອມທັງຊົມເຊີຍ ທີ່ຄະນະພັກໄດ້ນໍາເອົາເອ ກະສານຄຳສັ່ງ, ດໍາລັດ, ມະຕິ ແລະ ກົດລະບຽບຕ່າງໆ ຂອງຂັ້ນເທິງມາ ເຊື່ອມຊືມໃຫ້ສະມາຊິກພັກ, ພະນັກງານໄດ້ເຂົ້າໃຈຢ່າງເລິກເຊີ່ງ ແລະ ຖືກ ຕ້ອງ, ຖືເອົາຄວາມສາມັກຄີພາຍໃນເປັນກົກ, ການປະຕິບັດວຽກງານອີງ ໃສ່ ຫຼັກການຂອງພັກເປັນຫຼັກ, ສຽງສ່ວນໜ້ອຍຂື້ນກັບສຽງສ່ວນຫຼາຍ, ຕົກລົງ ແລະ ເປັນເອກະພາບວຽກງານເປັນໝູ່ຄະນະ, ໄດ້ແບ່ງຄວາມຮັບ ຜິດຊອບ ໃນຄະນະພັກລະອຽດຊັດເຈນ, ປະຕິບັດຕາມໜ້າທີ່ ແລະ ສິດ ຂອງຮາກຖານພັກທີ່ກໍານົດໄວ້ ໃນກົດລະບຽບຂອງພັກວາງອອກ ໄດ້ຢ່າງ ເຂັ້ມງວດ.

ນອກຈາກນັ້ນ ສະຫາຍ ຍັງໄດ້ຊົມເຊີຍຄະນະພັກຮາກຖານ ລລທ ທີ່ໄດ້ໃຫ້ຄວາມສໍາຄັນ, ເບິ່ງແຍງຊີວິດການເປັນຢູ່ ຂອງສະມາຊິກພັກ, ພະ ນັກງານປາສະຈາກພະຍາດໂຄວິດ - 19 ທີ່ເກີດຂື້ນ . ສະຫາຍຍັງໄດ້ເນັ້ນ ໜັກໃສ່ບາງບັນຫາທີ່ສຳຄັນໂດຍອີງໃສ່ກົດລະບຽບຂອງພັກປະຊາຊົນປະຕິວັດລາວສະໄໝທີ XI ໝວດທີ VI, ມາດຕາ 33 ໜ້າທີ່ ແລະ ສິດຂອງການ ຈັດຕັ້ງຮາກຖານພັກ ຊຶ່ງແມ່ນໜ້າທີ່ສໍາຄັນຂອງ ຄະນະພັກຮາກຖານ, ບັນ ດາສະຫາຍຈະຕ້ອງໄດ້ຄົ້ນຄວ້າຜັນຂະຫຍາຍ ແລະ ຈັດຕັ້ງປະຕິບັດເຂົ້າໃນ ການຈັດຕັ້ງພັກຂອງຕົນ.

img

View: 5408 | 8/14/2021 4:28:24 PM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0