::: LTC Training :::

ພຶ້ນທີ່ໃຫ້ບໍລິການ | ແຜນຜັງຂອງເວັບໄຊທ໌ | ສະແດງຄວາມຄິດເຫັນ

ລາວ ໂທລະຄົມ ກ້າວໄກ ສື່ສານວ່ອງໄວ ໝັ້ນໃຈໃນບໍລິການ ໄດ້ມາດຕະຖານສາກົນ. Lao Telecommunication state - of - the art communications you can trust.

Wed, 08 Sep 2010 23:00

ການຝຶກອົບຮົມຫລັກສູດ Mobile Phone Technology 2G

ໃນລະຫວ່າງວັນທີ 22 - 26 ກຸມພາ 2010 ຜ່ານມາ ລາວ ໂທລະຄົມ ໄດ້ຈັດຝຶກອົບຮົມຫຼັກສູດ Mobile Phone Technology 2G ທີ່ສຳນັກງານໃຫຍ່ ລລທ ຫ້ອງປະຊຸມໃຫຍ່ 501. ຊື່ງໃຫ້ກຽດເປີດການຝຶກອົບຮົມໃນຄັ້ງນີ້ໂດຍ: ທ່ານ ຈັນທະວອນ ສໍສຳພັນ ຮອງ ຜູ້ອຳນວຍການໃຫຍ່ ຂະແໜງເຕັກນິກ - ໂຄງການໂທລະຄົມ ວິທະຍາກອນບັນລະຍາຍ ໂດຍພະນັກງານວິຊາການຈາກພະແນກ ໂທລະສັບເຄື່ອນທີ່ ລາວ ໂທລະຄົມ ແລະ ມີວິທະຍາກອນຮັບເຊີນຈາກບໍລິສັດ Huawei ຈຳກັດ ມີນັກສຳມະນາກອນເຂົ້າຮ່ວມທັງໝົດ 26 ທ່ານ ຊື່ງມາຈາກ ລລທ ສາຂາແຂວງຄື: ຜົ້ງສາລີ, ຫລວງນ້ຳທາ, ບໍ່ແກ່ວ,ອຸດົມໄຊ, ໄຊຍະບູລີ, ຫົວພັນ, ຫລວງພະບາງ, ຊຽງຂວາງ ແລະ ແຂວງ ວຽງຈັນ ແລະ ຍັງມີ ພະແນກ ອ້ອມຂ້າງ ລລທ ສູນກາງເຊັ່ນ: ພະແນກຄຸ້ມຄອງ - ກວດກາເຕັກນິກ ແລະ ພະແນກ ໂທລະສັບເຄື່ອນທີ່. ຈຸດປະສົງຂອງການຝຶກອົບຮົມຄັ້ງນີ້ ກໍ່ເພື່ອຍົກລະດັບຄວາມຮູ້ກ່ຽວກັບເຕັກໂນໂລຢີ ໂທລະສັບມືຖື 2G ໃຫ້ແກ່ພະນັກງານທີ່ເຮັດວຽກທາງດ້ານເຕັກນິກໂດຍສະເພາະ.
ຫລັງຈາກການຝຶກອົບຮົມໄດ້ສຳເລັດລົງແລ້ວ ໃນຕອນແລງຂອງວັນທີ່ 26 ກຸມພາ 2010 ກໍ່ໄດ້ມີການມອບໃບຢັ້ງຢືນໃຫ້ແກ່ນັກສຳມະນາກອນ ຜູ້ທີ່ເຂົ້າຮ່ວມຝຶກອົບຮົມແຕ່ຕົ້ນຈົນຈົບ ຊື່ງໃຫ້ກຽດມອບໃບຢັ້ງຢືນໂດຍ: ທ່ານ ຈັນທະວອນ ສໍສຳພັນ ຮອງຜູ້ອຳນວຍການໃຫຍ່ ລລທ ຂະແໜງເຕັກນິກ - ໂຄງການໂທລະຄົມ.