ລາວ ໂທລະຄົມ ໄດ້ຈັດສຳ​ມະ​ນາ ​ເຊິ​ງປະຕິ​ບັດ​ການ ວາງ​ແຜ​ນກົນລະຍຸດ​ການ​ຂາຍ​ສິນຄ້າຂື້ນ ໃນລະຫວ່າງ ວັນທີ 6 - 8 ​ເມສາ 2010 ທີ ​ສູນ​ຮ່ວມ​ມື​ສາ​ກົນ ລາວ - ຍີ່ປຸ່ນ ນະຄອນຫລວງວຽງຈັນ. ໂດຍທ່ານ ຊານຢຸດ ນົນທະສິນ ຮອງຜູ້ອຳນວຍການໃຫຍ່ ຂະແໜງການຕະຫລາດ ​ໃຫ້​ກຽດ​ເປັນ​ວິ​ທະ​ຍາກ​ອນດຳ​ເນີນ​ການ​ສຳ​ມະ​ນາ​ ພ້ອມ​ດ້ວຍ ຄະນະ​ພະ​ແນ​ກການ​ຕະຫລາດ ​ແລະ ພະ​ແນ​ກຈັດ​ຕັ້ງ. ມີນັກສຳມະນາກອນທີ່​ເປັນ​ພະນັກງານ LTC Express ​ແລະ Direct Sale ​ເຂົ້າ​ຮ່ວມ ຈຳນວນ 120 ຄົນ.

   ຈຸດປະສົງຂອງການສຳ​ມະ​ນາ​ໃນ​ຄັ້ງ​ນີ້ ​ເພື່ອນຳພາ​ ພະນັກງານຂາຍ​ ທຳ​ການວາງ​ແຜນ​ງານ​ດ້ານ​ການ ຂາຍ​ຜະລິດ​ຕະພັນ​ຂອງ​ບໍລິການ​ໂທລະສັບ​ມື​ຖື ​​ຂອງ​ ນະຄອນຫລວງ​ວຽງ​ຈັນ ​ເພື່ອ​ນຳ​ເອົາ​ໄປ​ປະຕິບັດ​ໃຫ້​ບັນລຸ​ຕາມ​ເປົ້າ​ໝາຍ KPI ທີ່​ໄດ້​ຮັບ ​ມີ​ທັງ​ພາກ​ທິດສະ​ດີ ​ແລະ ພາກ​ປະຕິບັດ​ຕົວ​ຈິງ ​ໂດຍ​ໄດ້​ຈັດ​ແບ່ງ​ເປັນ​ທີ​ມຂາຍ ​ແລະ ລົງ​ຂາຍ​ຕົວ​ຈິງ​ຕາມ​ສະຖານ​ທີ່​ຕ່າງໆ ​ພາຍ​ໃນ​ນະຄອນຫລວງ​ວຽງຈັນ ​ໃນ​ຮູບ​ແບບ​ຂອງ Sale Rally ມີ​ການ​ແຂ່ງຂັນ ສ້າງ​ຍອດ​ຂາຍ​ເພື່ອ​ຮັບ​ລາງວັນ​ພ້ອມ​ທັງ​ຜົນ​ຕອບ​ແທນ.

   ຜົ´ນ​ສະຫຼຸບ​ຂອງ​ການຈັດ​ສຳ​ມະ​ນາ​ໃນ​ຄັ້ງ​ນີ້ ​ແມ່ນ​ສາມາດ​ສ້າງ​ຄວາມ​ຮັບ​ຮູ້ ຄວາມ​ເຂົ້າ​ໃຈ ​ໃນ​ການວາງ​ແຜນ​ງານ​ດ້ານ​ການ​ຂາຍ ​ແລະ ການ​ຕະຫລາດ​ໃຫ້​ແກ່​ຜູ້ເຂົ້າ​ຮ່ວມ​ເປັນ​ຢ່າງ​ດີ.