ລາວ ໂທລະຄົມ ໄດ້ຈັດ ຝຶກອົບຮົມ ຫລັກສູດ ການບໍລິການແບບມືອາຊີບ Customer Service Excellence Camp ໃນລະຫວ່າງວັນທີ 07-12 ພຶດສະພາ 2010 ທີ ​ຖາວອນສຸກ ຣີສອດ ເມືອງ ວັງວຽງ ແຂວງວຽງຈັນ. ດຳ​ເນີນ​ການ​ຝຶກອົບຮົມ​ໂດຍ ພະແນກການຕະຫລາດ ແລະ ພະແນກ ຈັດຕັ້ງ ລລທ ຮ່ວມກັບ ບໍລິສັດ idea master ຈຳກັດ. ການຝຶກອົບຮົມໃນຄັ້ງນີ້ໂດຍໄດ້ຮ່ວມມືກັນກັບ ບໍລິສັດ idea master ຈຳກັດ.

      ການຝຶກອົບຮົມຫລັກສູດ Customer Service Excellence Camp ໃນເທື່ອນີ້ໄດ້ແບ່ງອອກເປັນ 2 ຊຸດ ຊື່ງ ຊຸດທີ່ 1 ແມ່ນຈັດຂື້ນ ໃນລະຫວ່າງວັນທີ 7-9/06/2010 ແລະ ຊຸດທີ່ 2 ແມ່ນໄດ້ຈັດຂື້ນ ໃນລະຫວ່າງວັນທີ່ 10-12/06/2010 ໂດຍແຕ່ລະຊຸດມີນັກສຳມະນາກອນເຂົ້າຮ່ວມທັງໝົດຈຳນວນ 55 ຄົນ ຊື່ງເປັນພະ ນັກງານບໍລິການ ລູກຄ້າຈາກທຸກສາຂາແຂວງທົ່ວປະເທດ.

      ຈຸດປະສົງຂອງການຝຶກອົບຮົມ​ໃນ​ຄັ້ງ​ນີ້ ເພື່ອໃຫ້ຜູ້ເຂົ້າຝຶກອົບຮົມໄດ້ຮຽນຮູ້ທັກສະການບໍລິການແບບມືອາຊີບ ແລະ ເພື່ອໃຫ້ສາມາດນຳຄວາມຮູ້ ແລະ ທັກສະທີ່ ໄດ້ຮັບນັ້ນໄປໝູນໃຊ້ເຂົ້າໃນວຽກງານບໍລິການໃຫ້ເກີດປະ ສິດທິພາບ ສູງສຸດ ແລະ ເພື່ອເປັນການຮັກສາຄວາມເປັນຜູ້ນຳອັນດັບ 1 ທາງດ້ານບໍລິການໂທລະຄົມ.

      ຜົນ​ສະຫຼຸບ​ຂອງ​ການຈັດ​ຝຶກອົບຮົມ​ໃນ​ຄັ້ງ​ນີ້ ​ແມ່ນ​ສາມາດ​ສ້າງ​ຄວາມ​ຮັບ​ຮູ້ ແລະ ຄວາມ​ເຂົ້າ​ໃຈ ​ທາງດ້ານການ ບໍລິການຢ່າງມືອາຊີບ ໃຫ້​ແກ່​ຜູ້ເຂົ້າ​ຮ່ວມ​ເປັນ​ຢ່າງ​ດີ ແລະ ສ້າງຄວາມສາມັກຄີການມີສ່ວນຮ່ວມໃນການເຮັດວຽກເປັນ ທີມ ສ້າງເຄື່ອຂ່າຍພະນັກງານບໍລິການຂອງບໍລິສັດໃຫ້ມີຄວາມສຳພັນກັນ ສາມາດໃຫ້ການຊ່ວຍເຫລື່ອ ຊື່ງກັນ ແລະ ກັນ ຫລາຍຂື້ນກ່ວາເກົ່າ.

      ການຝຶກອົບຮົມໄດ້ຮັບກຽດຈາກຜູ້ບໍລິຫານ ລລທ ເຂົ້າຮ່ວມໃນກິດຈະກຳຢ່າງອົບອຸ່ນ ນຳພາໂດຍທ່ານ ຊານຢຸດ ນົນທະສິນ ຮອງຜູ້ອຳນວຍການໃຫຍ່ຂະແໜງ ບັນຊີ-ການເງິນ,  ທ່ານປາຣິຊາດ ປາກຜຽວ ຮອງຜູ້ອຳນວຍການໃຫຍ່ຂະແໜງ ການຕະຫລາດ, ທ່ານ ບຸນມາ ສິນທະປະເສີດ ອຳນວຍການ ສາຂາແຂວງ ວຽງຈັນ ພ້ອມດ້ວນຄະນະພະແນການຕະຫລາດ, ຄະນະພະແນກຈັດຕັ້ງ ແລະ ທີມງານຝຶກອົບຮົມເຂົ້າຮ່ວມຢ່າງພ້ອມພຽງ.

      ຫລັກສູດ CSE Camp ເປັນຫລັກສູດທີ່ໄດ້ກຳນົດໄວ້ໃນ KPI ປີ 2010 ຊື່ງຜູ້ເຂົ້າຝຶກອົບຮົມຈະຕ້ອງມີການ ປະເມີນຜົນການເປັນນັກບໍລິການມືອາຊີບໃຫ້ ໄດ້ຕາມຄ່າ KPI ທີ່ກຳນົດໄວ້.