1/18/2018 4:56:31 PM | ອື່ນໆ...

ລາວ ໂທລະຄົມ ອຸປະຖຳ ເງິນ 5,000,000 ກີບ

ໃນວັນທີ 1 ມັງກອນ 2018 ຢູ່ທີ່ກະຊວງປ້ອງກັນປະເທດ ໄດ້ມີການ ມອບ-ຮັບ ເງິນ ຈຳນວນ 5,000,000 ກີບ ໃຫ້ແກ່ກຳມະບານລາວ ກະຊວງປ້ອງກັນປະເທດ ໃຫ້ກຽດມອບໃນຄັ້ງນີ້ແມ່ນ : ທ່ານ ຖາວອນ ສົມສະກຸນ ຜູ້ອໍານວຍການໃຫຍ່ ລາວ ໂທລະຄົມ ແລະ ທ່ານ ສຸພົນ ຈັນທະວີີໄຊ ຄະນະພັກຮາກຖານ, ປະທານສະຫະພັນກຳມະບານ ລາວ ໂທລະຄົມ ຮັບໂດຍ: ທ່ານ ພັອ ບົວຄໍາ ຄູນມີສຸກ ປະທານສະຫະພັນກຳມະບານກະຊວງປ້ອງກັນປະເທດ ພ້ອມດ້ວຍຄະນະທັງສອງຝ່າຍເຂົ້າຮ່ວມ.

ຈຸດປະສົງ ໃນການອຸປະຖຳໃນຄັ້ງນີ້ກໍ່ເພື່ອ ປະກອບສ່ວນຊື້ ເຄື່ອງ ອຸປະໂພກ ບໍລິໂພກ ເພື່ອໄປມອບເປັນຂອງ ຂວັນໃຫ້ນາຍ-ພົນທະຫານ ທີ່ ພວມປະຕິບັດໜ້າທີ່ ຢູ່ເຂດຫ່າງໄກສອກຫຼິກ ເພື່ອເປັນການຊຸກຍູ້ ແລະ ໃຫ້ກຳລັງໃຈຕໍ່ນາຍ ແລະ ພົນທະ ຫານ ໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 69 ປີ ແລະ ວັນບຸນສຳຄັນ

ນີ້ເປັນການສະແດງເຖິງຄວາມເປັນຫ່ວງເປັນໄຍ, ຜູກແໜ້ນຄວາມສາມັກຄີ ຂອງພະນັກງານ, ລັດຖະກອນ, ກຳມະກອນ ທີ່ ເຮັດວຽກຢູ່ແນວຫຼັງມີຕໍ່ນາຍ-ພົນທະຫານທີ່ພວມປະຕິບັດໜ້າທີ່ຢູ່ເຂດຫ່າງໄກສອກຫຼີກ, ທຸລະກັນດານ ແລະ ເປັນການປຸກລະ ດົມນາຍ-ພົນທະຫານອີກດ້ວຍ