11/10/2017 5:11:30 PM | ກ່ຽວກັບ ລາວ ໂທລະຄົມ

ລາວ ໂທລະຄົມ ອອກຮ້ານວາງສະແດງສິນຄ້າໃນງານບຸນນະມັດສະການພະທາດຫຼວງວຽງຈັນ ປະຈຳປີ 2017, ວັນທີ 28 ຕຸລາ - 5 ພະຈິກ 2017 ທີ່ ເດີ່ນພະທາດຫຼວງ ແລະ ສູນການຄ້າລາວໄອເຕັກ

ໃນລະຫວ່າງ ວັນທີ 28 ຕຸລາ - 5 ພະຈິກ 2017 ທີ່ ຜ່ານມາ ລາວ ໂທລະຄົມ ໄດ້ອອກຮ້ານວາງສະແດງສິນຄ້າ ໃນງານບຸນນະມັດສະການ ພະທາດຫຼວງ ປະ ຈຳປີ 2017 ທີ່ ເດີ່ນພະທາດຫຼວງ ແລະ ສູນການຄ້າລາວ-ໄອເຕັກ ​ພາຍໃນຮ້ານມີທີ​ມ ງານຂາຍ​ສິນຄ້າ​ ​ໂຄສະນາ - ປະຊາສຳພັນ​ ໃຫ້​ບໍລິການຕ່າງໆ ​ເພື່ອ​ອຳນວຍ​ຄວາມ​ສະດວກ​ໃຫ້​ກັບພໍ່​ແມ່່ ​ພີ່ນ້ອງ ແລະ ປະຊາຊົນ​ລາວບັນດາເຜົ່າທີ່ມາ​ທ່ຽວ​ງານ​ໃນ​ຄັ້ງ​ນີ້ ​ໄດ້​ເຂົ້າ​ໃຊ້​ບໍລິການ​ຢ່າງ​ສະດວກ ສະບາຍ, ​​ພ້ອມນັ້ນຍັງມີ Promotion ຊື້ສິນຄ້າລາຄາພິເສດ, ແຈກນໍ້າດື່ມຟຣີ ໃນມື້ແຫ່ປະສາດເຜຶ້ງອີກດ້ວຍ ພ້ອມ ເຄື່ອງແຈກເຄື່ອງແຖມທີ່ຫຼາກຫຼາຍ.

ແລະ ໃນຕອນທ່ຽງ ວັນທີ່ 31/10/2017 ທ່ານ ຖາຖອນ ສົມສະກຸນ ຜູ້ອຳນວຍການໃຫຍ່ ລາວ ໂທລະຄົມ ພ້ອມດ້ວຍຄະນະຜູ້ບໍລິຫານ ລລທ ໄດ້ລົງຢ້ຽມຢາມ ຮ້ານວາງສະແດງສິນຄ້າຂອງ ລາວໂທລະຄົມ ທີ່ເດີ່ນພະທາດຫລວງ ເພື່ອເປັນຂວັນກຳລັງໃຈ ໃຫ້ພະນັກງານຂາຍ ເປັນການກະຕຸກຊຸກຍູ້ ໃນການສົ່ງເສີມການຂາຍ ສິນຄ້າແລະບໍລິການຂອງ ລລທ ໃຫ້ບັນລຸເປົ້າຫມາຍທີ່ວາງໄວ້