9/28/2017 5:32:28 PM | ກ່ຽວກັບ ລາວ ໂທລະຄົມ

ລາວ ໂທລະ​ຄົມ​ເປີດ ຝຶກອົບຮົມ ຫົວຂໍ້ ການ​ຄຸ້ມຄອງບັນຊີສາງ ທີ່ ລລທ ສູນກາງ

ໃນ​ລະຫວ່າງ​ ວັນ​​ທີ່ 21-22 ກັນຍາ 2017 ຢູ່ ຫ້ອງປະຊຸມໃຫຍ່ 403 A ສຳນັກງານ​ໃຫຍ່ ລາວ ໂທລະຄົມ ນະຄອນຫລວງວຽງຈັນ ​ ໄດ້​ມີ​ພິທີ​ເປີດ​ຝຶກ​ອົບ​ຮົມ ກ່ຽວກັບຫົວຂໍ້ ການ​ຄຸ້ມຄອງບັນຊີສາງ ​ ​ໂດຍ​ໃຫ້​ກຽດ​ເປີດ​ພິທີ​ໃນ​ຄັ້ງນີ້ ແມ່ນ ທ່ານ ທ່ານ ຈິດປະສົງ ໜູແກ້ວໄກສອນ ຮອງຜູ້ອຳນວຍການໃຫຍ່ ລາວ ໂທລະຄົມ ແລະ ເຂົ້າຮ່ວມມີ ຄະນະຝ່າຍ, ຄະນະພະແນກ, ຄະນະສູນ, ພາກສ່ວນ ແລະ ພະນັກງານວິຊາການ ລລທ ທຸກສາຂາແຂວງ ທົ່ວປະເທດ .

ເຊຶ່ງ ນັກວິທະຍາກອນ ແມ່ນ Dr. Wanlapa Thomga ແລະ Dr. Nara Kittimetheekul Code of Success Co., Ltd. ມາຈາກ ປະເທດໄທ ….

ຈູດ​ປະສົງ​ໃນ​ການ​ຝຶກ​ອົບຮົມ​ໃນ​ຄັ້ງ​ນີ້ ​ແມ່ນ​ເພື່ອ​ຍົກ​ລະດັບ​ຄວາມ​ຮູ້ ຄວາມ​ສາມາດ ທາງ​ດ້ານ ການ​ຄຸ້ມຄອງບັນຊີສາງ ​ ​​ເພື່ອມາ ປະກອບ ສ່ວນ​ເຂົ້າ​ໃນ​ການ​ເຮັດວຽກ​ງານ​ທີ່​ຕົນ​ຮັບ​ພິຊອບ​ຢູ່​ໃຫ້​ໄດ້​ຮັບ​ປະສິດ​ຕິ​ພາບ​ສູງ​ຂື້ນ​ເລື້ອຍໆ