9/21/2017 4:22:39 PM | ກ່ຽວກັບ ລາວ ໂທລະຄົມ

ລາວ ໂທລະຄົມ ແຈກອີກແລ້ວ ລົດຈັກ HONDA WAVE 100 ຈຳນວນ 02 ຄັນ

ໃນຕອນເຊົ້າວັນທີ 20 ກັນຍາ 2017 ຢູ່ທີ່ ສູນບໍລິການລູກຄ້າ ລາວ ໂທລະຄົມ ສາຍລົມ ໄດ້ຈັດພິທີມອບລົດຈັກ HONDA WAVE 100 ຈຳນວນ 02 ຄັນ, ໃຫ້ແກ່ທ່ານລູກຄ້າຜູ້ໂຊກດີ ເຊິ່ງເປັນລາງວັນ ໃນໂຄງການຂູດບັດລຸ້ນໂຊກພາກ 2 ຂອງ ລາວ ໂທລະຄົມ ຈາກການທີ່ ລູກຄ້າ ຊົມໃຊ້ເບີ​ໂທລະ​ສັບ​ມື​ຖື ຂອງ ລາວ ໂທລະຄົມ, ໃຫ້ກຽດມອບໃນຄັ້ງນີ້ແມ່ນ: ທ່ານ ເຄນ ສະຕຣຸດເກີ ຫົວໜ້າພະແນກພົວພັນ ນັກລົງທຶນ ລາວ ໂທລະຄົມ.

ຮັບໂດຍລູກຄ້າຜູ້ໂຊກດີ ຜູ້ທີ1: ຊື່: ນາງ ເພັດສະຫວັນ ວົງໄຊຍາ ຢູ່ ບ້ານ ດອນກອຍ ເມືອງ ສີສັດຕະນາກ ນະຄອນຫຼວງວຽງຈັນ ເຊິ່ງເປັນເຈົ້າຂອງໜາຍເລກ ໂທລະສັບນໍ້າເບີ: 020 56488775 ໄດ້ຮັບລາງວັນຈາກການຂູດບັດ ຕື່ມເງິນ ມູນຄ່າ: 25,000 ກີບ.

ຮັບໂດຍລູກຄ້າຜູ້ໂຊກດີ ຜູ້ທີ2: ຊື່: ນາງ ດວງຈັນ ຈີວໍລະກຸນ ຢູ່ບ້ານ ໜອງພະຍາ ເມືອງ ໄຊທານີ ນະຄອນຫຼວງວຽງຈັນ ເຊິ່ງເປັນເຈົ້າຂອງໜາຍເລກ ໂທລະສັບນໍ້າເບີ: 020 56732338 ໄດ້ຮັບລາງວັນຈາກການຂູດບັດ ຕື່ມເງິນ ມູນຄ່າ: 5,000 ກີບ.

ໃນນັ້ນຍັງມີພະນັກງານ ລລທ ແລະ ບັນດາລູກຄ້າທີ່ເຂົ້າມາໃຊ້ບໍລິການທີ່ ສູນບໍລິການລູກຄ້າ ລລທ ສາຍລົມ ຮ່ວມເປັນສັກຂີພະຍານອີກ​ດ້ວຍ. ຢ່າລືມຢ່າພາດ ຖ້າທ່ານຢາກເປັນຜູ້ໂຊກດີ ທີ່ໄດ້ຮັບລາງວັນຈາກທາງ ລາວ ໂທລະຄົມ ຕ້ອງນໍາໃຊ້ເບີຂອງ ລາວ ໂທລະຄົມ ເທົ່ານັ້ນ. ດັ່ງຄໍາຂວັນທີ່ວ່າ: ລາວ ໂທລະຄົມ ໂທລະຄົມ ຂອງຄົນລາວ ເພື່ອສັງຄົມລາວ.