9/6/2017 9:33:02 AM | ກ່ຽວກັບ ລາວ ໂທລະຄົມ

ລາວໂທລະຄົມ ເປີດກອງປະຊຸມໃຫ່ຍຄັ້ງທີ VII ຂອງ ສະຫະພັນແມ່ຍິງ ຮາກຖານ ລລທ

ໃນວັນທີ 28 ສິງຫາ 2017 ທີ່ ຜ່ານມາ ທີ່ ສໍານັກງານໃຫຍ່ ລາວ ໂທລະຄົມ ຫ້ອງ 403 A ໄດ້ມີ ພິທີເປີດກອງປະຊຸມໃຫຍ່ຄັ້ງທີ VII ຂອງ ສະຫະພັນແມ່ຍິງໜ່ວຍຮາກຖານ ລລທ ໂດຍການເປັນປະທານຂອງ ທ່ານ ນາງ ວິໄລຈິດ ອິນລາວົງສາ ຄະນະສະຫະພັນແມ່ຍິງ ກະຊວງ ປທສ, ປະທານສະຫະພັນແມ່ຍິງໜ່ວຍຮາກ ຖານ ລລທ ເປັນກຽດເຂົ້າຮວ່ມກອງປະຊຸມຄັ້ງນີ້ມີ: ທ່ານ ຖາວອນ ສົມສະກຸນ ຄະນະພັກກະຊວງ ປທສ, ເລຂາ ຄະນະພັກຮາກຖານ ລລທ, ແລະ ທ່ານ ນາງ ເກສອນ ສຸລິວົງ ຄະນະບໍລິຫານງານສະຫະພັນແມ່ຍິງລາວ, ປະທານສະຫະພັນແມ່ຍິງກະຊວງ ປທສ, ທ່ານ ສາຄອນ ພູນແສນອ້ວນ ຮອງປະທານກໍາມະບານໜ່ວຍຮາກ ຖານ ລລທ ແລະ ທ່ານ ວິລະພອນ ວັງວໍລະຈິດ ເລຂາຊາວໜຸ່ມຮາກຖານ ລລທ, ມີບັນດາສະມາຊິກເອື້ອຍນ້ອງ ແມ່ຍິງ ອອ້ມຂ້າງ ລລທ ສູນກາງເຂົ້າຮວ່ມທັງໝົດ 200 ສະຫາຍ

ຈຸດປະສົງໃນການປະຊຸມໃນຄັ້ງນີ້ແມ່ນເພື່ອຄັດເລືອກຄະນະບໍລິຫານງານສະຫະພັນແມ່ຍິງໜ່ວຍຮາກຖານ ລລທ ຊຸດໃຫມ່ ເຊິ່ງຊຸດທີ່ VI ( ຊຸດ​ເກົ່າ ) ທ່ານ ນາງ ວິໄລຈິດ ອິນລາວົງສາ ຄະນະສະຫະພັນແມ່ຍິງ ກະຊວງ ປທສ, ປະທານສະຫະພັນແມ່ຍິງໜ່ວຍຮາກຖານ ລລທ ໄດ້ກະສຽນບໍານານແລ້ວ ໂດຍ​ກອງປະຊຸມໃຫຍ່ຄັ້ງທີ VII ຂອງສະຫະພັນແມ່ຍິງຮາກຖານ ລລທ ​ໄດ້ປ່ອນບັດເລືອກຕັ້ງເອົາຄະນະບໍລິຫານງານຊຸດໃໝ່ ຊຶ່ງປະກອບມີທັງໝົດ 11 ສະຫາຍ​ໂດຍ​ເລືອກ​ເອົາ 9 ສະຫາຍ ​​ເຊິ່ງ ປະກົດ​ຜົນ​ອອກ​ມາຄະ​ແນນ​ຫຼາຍ​ກ່ອນໝູ່​​​ແມ່ນ​ ທ່ານ ນາງ ມະ​ນີຈັນ ພິລາ​ວົງ ຄະນະ​ແມ່ຍິງ ກະຊວງ ປທສ ຮອງ​ປະທານສະຫະພັນ​ແມ່ຍິງ​ໜ່ວຍ​ຮາກ​ຖານ ລລທ ຂື້ນ​ມາເປັນ​ປະທານສະຫະພັນແມ່ຍິງ ໜ່ວຍຮາກ ຖານ ລລທ ເພື່ອສືບຕໍ່ຊີ້ນຳພາອົງກອນຈັດຕັ້ງສະຫະພັນແມ່ຍິງ ຕໍ່ໄປ.