8/7/2017 1:07:33 PM | ກ່ຽວກັບ ລາວ ໂທລະຄົມ

ລາວ ໂທລະຄົມ ໄດ້ຈັດພິທີ ຈັດຕັ້ງໂຄສະນາ-ປາຖະກະຖາເອກະສານ ວັນເຊັນສົນທິສັນຍາມິດຕະພາບ-ການຮ່ວມມື ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດລະຫວ່າງ ລາວ-ຫວຽດນາມ ຄົບຮອບ 55 ປີ

ໃນຕອນ ເຊົ້າວັນທີ 3 ສິງຫາ 2017 ທີ່ຜ່ານມາ ທີ່ ສໍານັກກງານໃຫຍ່ ລາວ ໂທລະຄົມ ( ສາຍລົມ ) ນະຄອນຫຼວງວຽງຈັນ ໄດ້ຈັດພິທີ ປາຖະກະຖາ ວັນເຊັນສົນທິສັນຍາມິດຕະພາບ-ການຮ່ວມມື ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດ ລະຫວ່າງ ລາວ-ຫວຽດນາມ ຄົບຮອບ 55 ປີ ໃຫ້ສະມາຊິກພັກ-ພະນັກງານທີ່ຢູ່ໃນຄວາມຮັບຜິດຊອບຂອງຕົນໄດ້ຮັບຮູ້,ເຂົ້າໃຈ, ເຫັນໄດ້ຄວາມໝາຍຄວາມສຳຄັນກ່ຽວກັບມູນເຊື້ອແຫ່ງການພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງລາວ-ຫວຽດນາມ ໃຫ້ທົ່ວເຖິງ

ໃຫ້ກຽດປາຖະກະຖາ ໃນຄັ້ງນີ້ໂດຍ: ທ່ານ ປອ ຄໍາໝັ້ນ ຈັນທະລັງສີ ຮອງເລຂາຄະນະພັກ ຮອງຫົວໜ້າກົມໂຄສະນາອົບຮົມສູນກາງພັກ, ເຂົ້າຮ່ວມຮັບຟັງໃນຄັ້ງນີ້ ມີ ທ່ານ ຖາວອນ ສົມສະກຸນ ຜູ້ ອຳນວຍການໃຫຍ່ ລາວ ໂທລະຄົມ, ຄະນະພັກຮາກຖານ ລາວ ໂທລະຄົມ,ຄະນະພັກກະຊວງໄປສະນີໂທລະຄົມມະນາຄົມ ແລະ ການສື່ສານ, ພ້ອມດ້ວຍຄະນະອຳນວຍການ ລລທ, ຫົວໜ້າຝ່າຍ, ຄະນະພະແນກ, ຄະນະສູນ, ພາກສ່ວນ ແລະ ພະນັກງານວິຊາການອ້ອມຂ້າງ ລລທ ສູນກາງ ເຂົ້າຮ່ວມຢ່າງພ້ອມພຽງ.