7/26/2017 8:30:32 PM | ກ່ຽວກັບ ລາວ ໂທລະຄົມ

ໂຄງການ​​ຮ່ວມ​ມື​ດ້ານ​ການ​ພັດທະນາ​ບຸກຄະລາ​ກອນ ລະຫວ່າງ LTC & Huawei

ໂຄງການ​​ຮ່ວມ​ມື​ດ້ານ​ການ​ພັດທະນາ​ບຸກຄະລາ​ກອນ ລະຫວ່າງ LTC & Huawei ​ໄດ້​ເລີ່​ມມາ​ຕັ້ງ​ແຕ່​ ວັນ​ທີ 1 ມິຖຸນາ 2016 ​ເຊິ່ງ​ເປັນ​ການ​ຝຶກ​ອົບຮົມ​ລັກສະນະ On-Job-Training ລວມທັງ​ໝົດ​ມີ 6 Phases ​ແຕ່ລະ Phase ​ໃຊ້​ເວລາ 6 ​ເດືອນ ​ແລະ ນັກ​ສໍາ​ມະ​ນາກ​ອນ (ພະນັກງານ ລລທ) ​ເຂົ້າ​ຮ່ວມ Phase ລະ 5-6 ທ່ານ. ປະຈຸ​ບັນ Phase 1 ​ໄດ້​ສໍາ​ເລັດ​ແລ້ວ ​ແລະ Phase 2 ກໍາລັງ​ສຶບຕໍ່.

ດັ່ງ​ນັ້ນ​ ​ໃນ​ວັນທີ 20 ມິຖຸນາ 2017 ທີ່​ຜ່ານມາ ທີ່ ສຳນັກງານໃຫຍ່ ລາວ ໂທລະຄົມ ສາຍລົມ LTC & Huawei ໄດ້ມີ​ພິທີ​ປິດຝຶກ​ອົບຮົມ Phase 1 On-Job-Training ​ພ້ອມ​ທັງ​ມອບ​ໃບ​ຢັ້ງຢືນ ແລະ ສຶບຕໍ່​ເປີດ Phase 2. ​ໂດຍ​ການ​ເຂົ້າ​ຮ່ວມ​ເປັນ​ປະທານ​ຂອງ ທ່ານ ຈິດ​ປະ​ສົງ ໜູ​ແກ້ວ​ໄກສອນ ຮອງ​ຜູ້​ອໍານວຍ​ການ​ໃຫຍ່ ລລທ ດ້ານ​ບໍລິຫານ., Mr. Tu Yong Vice president Huawei SEA Region., ​ແລະ Mr. Hou Junhua Vice President Huawei Lao Office. ພ້ອມ​ທັງ​ຄະນະ​ວິທະຍາ ກອນ ​- ນັກສໍາມະ​ນາກ​ອນ, ​ແລະ ຕາງ​ໜ້າ​ພະ​ແນ​ກການ​ຕ່າງໆ​ດ້ານ​ເຕັກນິກ ​ໃຫ້​ກຽດ​ເຂົ້າ​ຮ່ວມ​ຢ່າງ​ພ້ອມພຽງ.