12/21/2016 12:00:00 AM | ກິດຈະກຳ

ລາວ ໂທລະຄົມ ເຂົ້າຮ່ວມ ງານສະແດງ ຜະລິດຕະພັນ ໄອຊີທີ

ໃນວັນທີ 13 -18 ທັນວາ 2016 ຜ່ານມາ ທີ່ ຫໍປະຊຸມ ຫລັກ 6 ກະຊວງໄປສະນີ ໂທລະຄົມມະນາຄົມ ແລະ ການສື່ສານ ( ປທສ ) ໄດ້ຈັດງານວາງສະແດງຜະລິດຕະພັນ ໄອຊີທີ ຂື້ນເປັນຄັ້ງທຳອິດຢູ່ທີ່ລາວ ທີ່ ນະຄອນຫລວງວຽງຈັນ ພາຍໃຕ້ການເປັນປະທານ ຂອງ ທ່ານ ບຸນທອງ ຈິດມະນີ ຮອງນາຍົກລັດຖະມົນຕີແຫ່ງ ສປປ ລາວ, ທ່ານ ທັນສະໄຫມ ກົມມະສິດ ລັດຖະມົນຕີກະຊວງໄປສະນີ-ໂທລະຄົມມະນາຄົມ ແລະ ການສື່ສານ ພ້ອມດ້ວຍລັດຖະມົນຕີ ເຂົ້າແຂວງ ແລະ ນອກຈາກນັ້ນຍັງມີ ບໍລິສັດ ລັດວິສາຫະກິດ ລາວ ໂທລະຄົມມະນາຄົມ ເຂົ້າຮ່ວມໂດຍ: ທ່ານ ຖາວອນ ສົມສະກຸນ ຜູ້ອໍານວຍການໃຫຍ່ ລລທ ພ້ອມດ້ວຍຄະນະອຳນວຍການ, ຄະນະຜູ້ບໍລິຫານ ແລະ ພະນັກງານ ລລທ ເຂົ້າຮ່ວມຢ່າງພ້ອມພຽງ. ຈຸດປະສົ່ງ ເພື່ອສົ່ງເສີມໃຫ້ພາກລັດ, ພາກເອກະຊົນ, ບັນດາບໍລິສັດ ຫຼື ນິທິບຸກຄົນ ທີ່ ປະກອບການໄອຊີທີ ແລະ ໂທລະຄົມມະນາຄົມ ໄດ້ມີໂອກາດສະແດງຜະລິດຕະພັນ. ການບໍລິການ ແລະ ນະວັດຕະກຳທາງໄອທີຂອງໂລກ ພ້ອມກັນນັ້ນກໍ່ເພື່ອເປັນການແລກປ່ຽນຂໍ້ມູນຂ່າວສານ ປະສົບການໃນການພັດທະນາຂະແໜງການໄອທີ, ພາຍໃນງານດັ່ງກ່າວ ລາວ ໂທລະຄົມ ກໍ່ໄດ້ນຳເອົາສິນຄ້າໄປວາງຈຳໜ່າຍພ້ອມດ້ວຍເຄື່ອງແຈກຂອງແຖມ ແລະ ພາຍໃນງານຍັງມີກິດຈະກຳມ່ວນຊື່ນ, ມີຄອນເຊີດຈາກນັກຮ້ອງເພືອນບ້ານ ( ປະເທດໄທ ) ແລະ Promotions ຫຼາກຫຼາຍ, ມີສ່ວນຫຼຸດເຖິງ 80% ເພື່ອໃຫ້ຜູ້ທີ່ເຂົ້າໄປຮ່ວມງານໄດ້ເລືອກຊື້ສິນຄ້າໄດ້ຕາມຄວາມອາດສາມາດ ແລະ ຄວາມຕ້ອງການຂອງຕົນ.