12/26/2017 1:51:41 PM | ກິດຈະກຳ

ຄະນະຜູ້ບໍລິຫານ ລາວ ໂທລະຄົມ ລົງພົບປະລູກຄ້າ

ໃນລະຫວ່າງ ວັນທີ 18–19 ທັນວາ 2017 ທີ່ຜ່ານມາ ລາວ ໂທລະຄົມ ສູນກາງ ໄດ້ຈັດກິດຈະກຳລົງຂອບໃຈລູກຄ້າຕາມຕະຫຼາດ ໃນ ນະຄອນຫຼວງວຽງຈັນ ເຂົ້າຮ່ວມກິດຈະກຳໃນຄັ້ງນີ້ມີ ຄະນະຜູ້ອຳນວຍການໃຫຍ່ພ້ອມດ້ວຍ ຄະນະຜູ້ບໍລິຫານ ແລະ ພະນັກງານ ອ້ອມຂ້າງ ລລທ ສູນກາງ ເຂົ້າຮ່ວມ.

ຈຸດປະສົງຂອງ ກິດຈະກຳໃນຄັ້ງນີ້ ແມ່ນເພື່ອເປັນການສະແດງຮູ້ບຸນຄຸນ ແລະ ຂອບໃຈລູກຄ້າ ເນື່ອງໃນໂອກາດສົ່ງທ້າຍປີເກົ່າຕ້ອນຮັບປີໃຫມ່ສາກົນ 2018 ທີ່ກຳລັງຈະມາເຖິງໃນມໍ່ໆນີ້ ພ້ອມກັນນັ້ນ ກໍ່ເປັນການສ້າງຄວາມໃກ້ສິດລະ ຫວ່າງ ລາວ ໂທລະຄົມ ກັບລູກຄ້າ ເພື່ອຮັບຟັງຄວາມຄິດເຫັນ ຂອງ ລູກຄ້າ ແລະ ນຳເອົາຄວາມຄິດເຫັນນັ້ນມາປັບປຸງ ແລະ ພັດທະນາການບໍລິການ ຂອງ ລລທ ໃຫ້ດີຂື້ນເລື້ອຍໆ ເພື່ອຕອບສະໜອງຄວາມສະດວກສະບາຍຂອງຜູ້ຊົມໃຊ້, ເຊິ່ງກິດຈະກຳໃນຄັ້ງນີ້ ຍັງໄດ້ມີການແຈກຢາຍ ປະຕິທິນ ປີໃຫມ່ 2018 ຂອງ ລລທ ໃຫ້ກັບລູກຄ້າ ແລະ ຂາຍສິນຄ້າໃນລາຄາພິເສດ ພ້ອມເຄື່ອງແຈກເຄື່ອງແຖມອີກຫຼາກຫຼາຍ. ເຮັດໃຫ້ບັນຍາກາດຂອງກິດຈະກໍາໃນເທື່ອນີ້ ເຕັມໄປດ້ວຍຄວາມອົບອຸ່ນ ແລະ ຂອບໃຈ ເຊິ່ງກັນ ແລະ ກັນ.

( ເຊິ່ງຕະຫຼາດທີ່ລົງຈັດກິດຈະກໍາໃນຄັ້ງນີ້ ມີ ຕະຫຼາດຂົວດິນ, ໂພນຕ້ອງ,ທົ່ງຂັນຄໍາ,ໂພນສະຫວ່າງອົດຊີ່, ຫົວຂົວ, Shopping mall, ສະພານທອງ, ໂນນຄໍ້ ແລະ ຕະຫຼາດສວນມອນ )