11/29/2017 2:12:02 PM | ກິດຈະກຳ

ກິດຈະກຳເຕັ້ນແອໂຣບິກ ເພື່ອລະນຶກວັນສາກົນລືບລ້າງການໃຊ້ຄວາມຮຸນແຮງ ຕໍ່ແມ່ຍິງ 25 ພະຈິກ ທີ່ເດີນພະທາດຫຼວງ

ໃນຕອນແລງຂອງວັນທີ 24 ພະຈິກ 2017 ທີ່ຜ່ານມາ ຢູ່ທີ່ເດີນພະທາດຫຼວງ ນະຄອນຫຼວງວຽງຈັນ ກະຊວງໄປສະນີ ໂທລະຄົມມະນາ ຄົມ ແລະ ການສື່ສານ ຮ່ວມກັບ ບໍລິສັດລັດ ວິສາຫະກິດ ລາວ ໂທລະຄົມມະນາຄົມ, ບໍລິສັດ ອີທີແອວ ຈຳກັດ ແລະ ລັດວິສາຫະກິດ ໄປສະ ນີ ລາວ ໄດ້ຈັດຂະ ບວນການອອກກຳລັງກາຍ (ເຕັ້ນແອໂລບິກ) ເພື່ອລະນຶກວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງຂື້ນ, ໃຫ້ກຽດ ກ່າວເປີດງານ ກິດ ຈະກຳ ໃນຄັ້ງນີ້ໂດຍ ທ່ານ ຖາວອນ ສົມສະກຸນ ຄະນະພັກ ກະຊວງ ປທສ, ຜູ້ອຳນວຍການໃຫຍ່ ບໍລິສັດລັດ ວິສາຫະກິດ ລາວ ໂທລະຄົມ ມະນາຄົມ ຕາງໜ້າຄະນະນຳ, ຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ເຂົ້າຮ່ວມກິດຈະກຳ ໃນຄັ້ງນີ້ມີ ຄະນະຜູ້ບໍລິຫານ ແລະ ພະນັກງານ ອ້ອມຂ້າງກະຊວງ ປທສ, ລາວ ໂທລະຄົມ, ບໍລິສັດ ອີທີແອວ ຈຳກັດ ແລະ ລັດວິສາຫະກິດ ໄປສະນີ ລາວ ພ້ອມດ້ວຍ ປະຊາ ຊົນ ຊາວນະຄອນຫຼວງວຽງຈັນ ເຂົ້າຮ່ວມເປັນຂະບວນການຢ່າງຟົດຟື້ນ.

ພາຍໃນງານຍັງມີກິດຈະກຳ ຖາມ-ຕອບ ຄວາມຮູ້ກ່ຽວກັບວັນດັ່ງກ່າວເພື່ອຮັບລາງວັນຈາກ ລາວ ໂທລະຄົມ ອີກດ້ວຍ. ສຳລັບ ວັນທີ່ 25 ພະຈິກ ຂອງທຸກໆປີ ຖືເປັນວັນສາກົນເພື່ອຢຸດຕິຄວາມຮຸນແຮງຕໍ່ແມ່ຍິງ ເຊິ່ງໄດ້ຖືກຮັບຮອງເອົາຢ່າງເປັນທາງການ ຕາມມະຕິຕົກລົງຂອງ ອົງການ ສະຫະປະຊາຊາດ ສະບັບເລກທີ A/RES/54/134, ລົງວັນທີ 7 ກຸມພາ ປິີ 2000. ນັບແຕ່ນັ້ນມາ ວັນທີ 25 ພະຈິກ ຂອງທຸກປີ ຈຶ່ງໄດ້ກາຍ ເປັນສັນຍາລັກຂອງການຢຸດຕິຄວາມຮຸນແຮງຕໍ່ແມ່ຍິງ ແລະ ເພື່ອໃຫ້ບັນດາປະເທດສະມາຊິກຂອງອົງການສະຫະປະຊາຊາດ ແລະ ບັນດາປະເທດ ຕ່າງໆ ໃນໂລກໄດ້ພ້ອມກັນລະນຶກເຖິງເຫດການຄວາມຮຸນແຮງຕໍ່ແມ່ຍິງທີ່ເກີດຂື້ນໃນທົ່ວໂລກ. ສໍາລັບ ສປປ ລາວ ຂອງພວກ ເຮົາແລ້ວ, ພັກ ແລະ ລັດຖະບານ ຍາມໃດກໍໃຫ້ຄວາມສຳຄັນຕໍ່ກັບບັນຫາດັ່ງກ່າວ ໂດຍໄດ້ເອົາໃຈໃສ່ໃນການສົ່ງເສີມ ຄວາມສະເໝີພາບ ລະ ຫວ່າງ ຍິງ-ຊາຍ, ລືບລ້າງ ທຸກຮູບການໃນການຈຳແນກຕໍ່ແມ່ຍິງ ແລະ ເດັກນ້ອຍຕະຫຼອດມາ, ອັນໄດ້ ສະແດງອອກຢ່າງຈະແຈ້ງຢູ່ ໃນລັດ ຖະທຳມະນູນ, ກົດໝາຍ, ແຜນ ຍຸດທະສາດ ແລະ ແຜນດຳເນີນງານແຫ່ງຊາດ ທີ່ສຳຄັນຈຳນວນໜື່ງ ເພື່ອຄຸ້ມຄອງ ແລະ ປົກປ້ອງສິດຜົນ ປະໂຫຍດລວມຂອງ ແມ່ຍິງ ແລະ ສະກັດ ກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກທຸກຮູບການໃນ ສປປ ລາວ.