9/21/2017 4:25:20 PM | ກິດຈະກຳ

ລາວ ​ໂທລະ​ຄົມ ຈັດຂະບວນທ່ອງທ່ຽວປະເທດຈິນ ໃຫ້ກັບຮ້ານຕົວແທນຈໍາໜ່າຍສິນຄ້າ ຂອງ ລາວ ໂທລະຄົມ

ໃນ​ລະຫວ່າງ​ວັນ​ທີ: 15-19 ສິງຫາ 2017 ທີ່​ຜ່ານ​ມາ ລາວ ​ໂທລະ​ຄົມ ​ໄດ້​ຈັດ​ຂະບວນທ່ອງທ່ຽວຕ່າງປະເທດ 5 ວັນ 4 ຄືນ ທີ່ ປະເທດຈິນ ຂື້ນ ໂດຍໃຫ້ກຽດນໍາຂະບວນທ່ອງທ່ຽວໃນຄັ້ງນີ້ມີ ທ່ານ ສຸພົນ ຈັນທະວີໄຊ ຮອງຜູ້ອໍານວຍການໃຫຍ່ ລລທ , ທ່ານ ປີຍະວັດ ຈະຣິຍະເສດຖະພົງ ຮອງຜູ້ອໍານວຍການໃຫຍ່ ລລທ ພ້ອມດ້ວຍຄະນະຜູ້ບໍລິຫານ , ພະນັກງານ ລລທ ແລະ ຮ້ານຕົວແທນຈຳໜ່າຍສິນ ລລທ ຈຳນວນ 21 ຮ້ານ ທົ່ວປະເທດ ລວມຈໍານວນຄົນເຂົ້າຮ່ວມເດີນທາງໃນຄັ້ງນີ້ທັງໝົດ 56 ຄົນ

ຈຸດປະສົງຂອງການຈັດຂະບວນທ່ອງທ່ຽວໃນຄັ້ງນີ້ກໍ່ເພື່ອເປັນການຂອບໃຈ ແລະ ຄືນກຳໄລໃຫ້ກັບຮ້ານຕົວແທນຈໍາໜ່າຍສິນຄ້າຂອງ ລລທ ໃນຂອບເຂດທົ່ວປະເທດເວົ້າລວມ, ເວົ້າສະເພາະແມ່ນບັນດາຮ້ານຕົວແທນຈໍາໜ່າຍສິນຄ້າດີເດັ່ນ ທີ່ ປະຕິບັດຍອດການສັ່ງຊື້ໄດ້ເປົ້າໝາຍທີ່ ລລທ ກຳນົດໄວ້. ການເດີນທາງທ່ອງທ່ຽວໃນຄັ້ງນີ້ໄດ້ພາຕົວແທນຈຳໜ່າຍໄປທ່ຽວຊົມສະຖານທີ່ທ່ອງທ່ຽວທີ່ສໍາຄັນໆ ແລະ ມີຊື່ສຽງເຊັ່ນ :

ວັດເຈົ້າແມ່ກວນອິມແຄມທະເລ, ວັດເຊກົງໝິງ, ຮ້ານເຄື່ອງປະດັບ DIL Diamond in Love ຊອບປິ້້ງ 450 ຮ້ານ, ຮ່ອງກົງ ແລະ ຊອບປິ້ງຈິມຊາລຸຍ, ການສະແດງ Fymphony of Lights 44 ອາຄານ ທີ່ເປັນຊັ້ນນຳທີ່ຢູ່ໃນຝັ່ງຮົງກົງການສະແດງຍິງແສງເລເຊີ ແລະ ສະຖານທີ່ສຳຄັນອື່ນໆ ອີກດ້ວຍ ເຊຶ່ງໄດ້ສ້າງຄວາມປະທັບໃຈ ແລະ ຕື່ນຕາຕື່ນໃຈ ແກ່ບັນດາຕົວແທນຈຳໜ່າຍເປັນຢ່າງຍິ່ງ, ໃນຕອນຄໍ່າຂອງ ວັນທີ 17 /9/2017 ລາວ ໂທລະຄົມ ໄດ້ຈັດງານລ້ຽງສັງສັນໃຫ້ແກ່ຕົວແທນຈຳໜ່າຍ ທີ່ຢູ່ຄຽງຂ້າງ ແລະ ທັງເປັນຜູ້ກະຈາຍສິນຄ້າ ຂອງ ລລທ ໃຫ້ໄປເຖິງມືລູກຄ້າ ໃນຂອບເຂດທົ່ວປະເທດ ດ້ວຍດີຕະຫລອດມາ ຂອບໃຈຮ້ານຕົວແທນຈຳໜ່າຍ ແລະ ລູກຄ້າທຸກໆ ທ່ານທີ່ໄວ້ວາງໃຈ ມາໂດຍຕະຫລອດ ລາວ ໂທລະຄົມຈະມຸ້ງໝັ້ນພັດທະນາເຄືອຂ່າຍ ແລະ ການບໍລິການທີ່ດີທີ່ສຸດ ສໍາລັບທຸກໆທ່ານ. ບັນຍາກາດຕະຫລອດງານເຕັມໄປດ້ວຍຄວາມເບີກບານມ່ວນຊື່ນ ສະໜິດສະໜົມ, ເປັນກັນເອງ ອັນໄດ້ສ້າງຄວາມປະທັບໃຈ ແລະ ຄວາມມ່ວນຊື່ນ ແກ່ຕົວແທນຈຳໜ່າຍເປັນຢ່າງຍິ່ງ.