9/19/2017 10:21:21 AM | ກິດຈະກຳ

ລາວ ​ໂທລະ​ຄົມ ຮ່ວມ​ກັບ ບໍລິສັດ CAT TELECOM ຈໍາກັດ ແຫ່ງປະເທດໄທ ຈັດການແຂ່ງຂັນ ກິລາມິດຕະພາບ ຄັ້ງທີ IX ທີ່ ​ຈັງ​ຫວັດ​ ນະຄອນລາດສະສີມາ ( ປະ​ເທດ​ໄທ ) ໃນວັນທີ 8-9 ກັນຍາ 2017

ໃນລະຫວ່າງ ວັນທີ 8-9 ກັນຍາ 2017 ທີ່ ຜ່ານມາ ທີ່ ສະໜນາມກິລາ ໂຮງແຮມ The Romantic Resort & Spa ​ຈັງ​ຫວັດ​ ນະຄອນລາດສະສີມາ ( ປະ​ເທດ​ໄທ ) ໄດ້ມີການຈັດການແຂ່ງຂັນກິລາມິດຕະພາບ ຄັ້ງທີ IX ລະຫວ່າງ ລາວ ໂທລະຄົມ ແລະ ບໍລິສັດ CAT TELECOM ຈໍາກັດ ແຫ່ງປະເທດໄທ ເພື່ອເປັນການ ເຊື່ອມຕໍ່ສາຍສໍາພັນອັນດີງາມ ທີ່ມີຕໍ່ກັນມາ ໃຫ້ແໜ້ນແຟ້ນເຊິ່ງກິລາດັ່ງກ່າວນີ້ ເປັນກິລາປະເພນີ ຮ່ວມກັນ ລະຫວ່າງ ສອງອົງກອນຜັດປ່ຽນກັນເປັນເຈົ້າພາບ ເຊິ່ງໃນຄັ້ງນີ້ແມ່ນ ຄັ້ງທີ IX ໂດຍແມ່ນ ບໍລິສັດ CAT TELECOM ຮັບກຽດເປັນ ເຈົ້າພາບ ​ໃຫ້​ກຽດ​ເປັນປະທານໃນພິທີເປີດການແຂ່ງຂັນ ໂດຍ ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ລາວ ໂທລະຄົມ ແລະ ທ່ານ Dr. Dhanan Supattarapphan ຮອງກຳມະການຜູຈັດການໃຫຍ່ ສາຍງານທຸລະກິດ ແລະ ບໍລິການ ເປັນກຽດເຂົ້າຮ່ວມມີ: ຄະນະຜູ້ບໍລິຫານ, ພະນັກງານ ແລະ ນັກກິລາ ທັງ 2 ອົງກອນເຂົ້າຮ່ວມ ປະມານ 100 ກວ່າທ່ານ.

ສໍາລັບ ການແຂ່ງຂັນກິລາໃນຄັ້ງນີ້ແມ່ນມີ 5 ປະເພດ. ຜົນການແຂ່ງຂັນມີດັ່ງນີ້

1/ ກິລາເຕະບານ ( Futsal ) Lao Telecom ຊະນະ CAT TELECOM 4#3

2/ ກິລາຕີ​ກ໊ອ​​ຟ ( Golf ) Lao Telecom ຊະນະ CAT TELECOM 2#1

3/ ກິລາ ( Share Ball ) CAT TELECOM ຊະນະ Lao Telecom 15#5

4/ ກິລາເປຕັງ ( Petanque ) Lao Telecom ຊະນະ CAT TELECOM 3#1

5/ ກິລາມວນຊົນ Lao Telecom ຊະນະ CAT TELECOM 2#1

ພາຍຫຼັງ​ການ​ແຂ່ງ​ຂັນ​ກິລາ​ສ້າງສາ​ຍສຳພັນ​ສຳ​ເລັດ​​ແລ້ວ ​ໃນ​ຄໍ່າ​ຄືນ​ຂອງ​ ວັນ​ທີ 9 ກັນຍາ 2017 ​ກໍ່​ໄດ້​ມີ​ງານ​ລ້ຽງ ຊົມ​ເຊີຍ​ ສະຫລຸບຜົນການແຂ່ງຂັນ ​ກິລາ​ມິດຕະພາບ ລະຫວ່າງ Lao Telecom ແລະ CAT TELECOM ໃນ​ງານ​ລ້ຽງ ໄດ້ມີພິທີມອບຂັນລາງວັນ ໃຫ້ທີມນັກກິລາ ລາວ ໂທລະຄົມ ທີ່ສາມາດເອົາຊະນະການແຂ່ງຂັນ ກິລາແຕ່ລະປະເພດໄດ້ຈຳນວນຫຼາຍກວ່າ CAT TELECOM ເຮັດໃຫ້ສາມາດຄົ້ວແຊ້ມໃນຄັ້ງນີ້ ແລະ ໄດ້ຂັນລາງວັນມາຄອງ ຫຼັງຈາກນັ້ນ​ຄະນະຜູ້ບໍລິຫານທັງ​ສອງ​ອົງ​ກອນ​ກໍ່​ໄດ້​ມອບ​​ເຄື່ອງ​ທີ່​ລະນຶກ ​ເຊິ່ງກັນ ​ແລະ ກັນ

ພາຍ​ໃນ​ງານ​ລ້ຽງ​ດັ່ງກ່າວ​ກໍ່​ຍັງ​ມີ​ການສະ​ແດງ​ສິລະປະ ສ່ອງແສງເຖິງ ວັດທະນາທຳ ຂອງ ທັງສອງປະເທດອີກດ້ວຍ ເຊຶ່ງເຮັດໃຫ້ງານລ້ຽງສັງສັນຄັ້ງນີ້ ເຕັມໄປດ້ວຍຄວາມ​ສະ​ໜິດ​ສະໜົມກົມກຽວ ທັງ​ສອງ​ອົງ​ກອນ ເບີກບານມ່ວນຊື່ນ ​ແລະ ​ເປັນກັນ​ເອງ.