12/10/2016 12:00:00 AM | ຊ່ວຍເຫຼືອສັງຄົມ

ລາວ ໂທລະຄົມ ເຂົ້າຮ່ວມງານກິດຈະກຳລໍ້າລຶກເຖິງ ວິລະຊົນ ສີທອງ ພ້ອມອຸປະຖໍາ ອຸປະກອນການສືກສາໃຫ້ໂຮງຮຽນ ປະຖົມສຶກສາສົມບູນ ເພຍລາດ

ວັນທີ 10 ທັນວາ 2016 ທີ່ຜ່ານມາ ຢູ່ທີ່ໂຮງຮຽນ ປະຖົມສຶກສາສົມບູນ ເພຍລາດ ເມືອງ ສັງທອງ, ນະຄອນຫຼວງວຽງຈັນ ລາວ ໂທລະຄົມ ໄດ້ເຂົ້າຮ່ວມຕັ້ງຮ້ານວາງສະແດງພ້ອມຈຳໜ່າຍສີນຄ້າ ໃນງານກອງບຸນ ແລະ ງານກິດຈະກຳ ລໍ້າລຶກເຖິງວິລະຊົນສີທອງ ພ້ອມນີ້ ລລທ ຍັງໄດ້ອຸປະຖຳທືນ ແລະ ອຸປະກອນການສຶກສາ ໃຫ້ແກ່ ໂຮງຮຽນ ປະຖົມສຶກສາສົມບູນ ເພຍລາດ ອີກດ້ວຍ, ໃຫ້ກຽດມອບໂດຍ ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ລາວ ໂທລະຄົມ ພ້ອມດ້ວຍ ຄະນະຜູ້ບໍລິຫານ, ພະນັກງານ ລລທ ແລະ ພໍ່ແມ່ ປະຊາຊົນ ເຂດເມືອງ ສັງທອງ ເຂົ້າຮ່ວມເປັນສັກຂີພິຍານ ເປັນກຽດຮັບໂດຍ ຄະນະຜູ້ບໍລິຫານ ແລະ ອາຈານ ໂຮງຮຽນ ປະຖົມສຶກສາສົມບູນ ເພຍລາດ ລວມມູນຄ່າ 6,000,000 ກີບ. ຈຸດປະສົງກໍ່ເພື່ອເປັນການສະໜັບສະໜູນ ການສືກສາ ແລະ ພັດທະນາ ຄຸນນະພາບການສິດສອນ ຂອງໂຮງຮຽນດັງກ່າວ ໃຫ້ສົ່ງ ເສີມຄົນດີ ມີຄວາມສາມາດ ອອກສູ່ສັງຄົມ.