8/24/2017 11:04:40 AM | ຊ່ວຍເຫຼືອສັງຄົມ

ລາວ ໂທລະຄົມ ອຸປະຖຳ ກອງປະຊຸມ ການປະສານງານ ຄື້ນຄວາມຖີ່ ລຽບຕາມຊາຍແດນ ລະຫວ່າງສປປ ລາວ ກັບ ຣາຊາອານາຈັກ ໄທ ຄັ້ງທີ VIII

ໃນວັນທີ 22 ສິງຫາ 2017 ທີ່ຜ່ານມາ ຢູ່ທີ່ ສຳນັກງານໃຫຍ່ ລລທ ໄດ້ມີພິທີມອບຮັບ ເງິນສົດ ຈຳນວນ: 20,000,000 ກີບ ລະຫວ່າງ ບໍລິສັດລັດ ວິສາຫະກິດ ລາວໂທລະຄົມມະນາຄົມ (ຜູ້ມອບ) ແລະ ກະຊວງໄປສະນີ ໂທລະຄົມມະນາຄົມ ແລະ ການສື່ສານ (ຜູ້ຮັບ), ຝ່າຍ ລາວ ໂທລະຄົມ ມອບໂດຍ: ທ່ານ ພົມມີ ບົວສີ ຮອງຫົວໜ້າພະແນກບໍລິການ ລລທ ແລະ ຮັບໂດຍ ທ່ານ ນາງ ສີໄວ ອຳພອນໄຊ ຜູ້ຕ່າງໜ້າກະຊວງໄປສະນີ ໂທລະຄົມມະນາຄົມ ແລະ ການສື່ສານ ພ້ອມດ້ວຍຄະນະ.

ຈຸດປະສົງຂອງການມອບໃນຄັ້ງນີ້ ກໍເພື່ອເປັນການປະກອບສ່ວນ ເຂົ້າໃນວຽກງານ ກອງປະຊຸມ ການປະສານງານຄື້ນຄວາມຖີ່ ລຽບຕາມຊາຍແດນ ລະຫວ່າງສອງປະເທດ ຄື ສປປ ລາວ ແລະ ຣາຊາອານາຈັກ ໄທ ເຊິ່ງຈະໄດ້ຈັດຂຶ້ນໃນວັນທີ 04-08 ກັັນຍາ 2017 ທີ່ລາວເຮົາເປັນເຈົ້າພາບ.