8/4/2017 7:05:52 PM | ຊ່ວຍເຫຼືອສັງຄົມ

ລາວ ໂທລະຄົມ ອຸປະຖຳ ອຸປະກອນ ຄອມພິວເຕີ ໃຫ້ຫ້ອງການ ກວດກາສູນກາງພັກ

ໃນຕອນບ່າຍ ຂອງວັນທີ 02 ສິງຫາ 2017 ທີ່ຜ່ານມາ ຢູ່ທີ່ ຫ້ອງການຄະນະກວດກາສູນກາງພັກ ໄດ້ມີພິທີມອບຮັບ ເຄື່ອງອຸປະກອນ ຄອມພິວເຕີ ລະຫວ່າງ ບໍລິສັດລັດ ວິສາຫະກິດ ລາວໂທລະຄົມມະນາຄົມ (ຜູ້ມອບ) ແລະ ຫ້ອງການຄະນະກວດກາສູນກາງພັກ (ຜູ້ຮັບ), ຝ່າຍ ລາວ ໂທລະຄົມ ມອບໂດຍ: ທ່ານ ຄອນສະຫວັນ ທໍາມະສອນ ຫົວໜ້າຄະນະກວດສອບພາຍໃນ ລລທ ແລະ ຮັບໂດຍ ທ່ານ ທຸມມີ ທຳມະວົງ ຄະນະພັກ, ຫົວໜ້າຫ້ອງການຄະນະກວດກາສູນກາງພັກ ພ້ອມດ້ວຍຄະນະ, ເຄື່ອງທີ່ມາມອບໃນຄັ້ງນີ້ ມີ ຄອມພິວເຕີໂນດບຸກ ຈຳນວນ 01 ເຄື່ອງ ແລະ ຄອມພິວເຕີຕັ້ງໂຕະ ຈຳນວນ 01 ຊຸດ ລວມມູນຄ່າທັງໝົດ: 9,550,000 ກີບ.

ຈຸດປະສົງຂອງການມອບໃນຄັ້ງນີ້ ແມ່ນເປັນການປະກອບສ່ວນ ຂອງ ລລທ ເຂົ້າໃນວຽກງານ ກວດກາພັກ-ລັດ ເຊິ່ງອຸປະກອນມອບໃນຄັ້ງນີ້ ທາງຫ້ອງການຄະນະກວດກາສູນກາງພັກ ຈະນຳສົ່ງເພື່ອມອບຕໍ່ໃຫ້ກັບ ຫ້ອງການຄະນະກວດກາພັກ-ລັດ ເມືອງຂວາ ແຂວງຜົ້ງສາລີ ເຊິ່ງເປັນເມືອງໜຶ່ງທີ່ນອນຢູ່ໃນ ບັນດາເມືອງທຸກຍາກ ໃນທົ່ວປະເທດ ເພື່ອໝູນໃຊ້ອຸປະກອນທີ່ໄດ້ຮັບໃນຄັ້ງນີ້ ເຂົ້າໃນວຽກງານ ວິຊາສະເພາະ ໃຫ້ມີຄວາມສະດວກສະບາຍຂຶ້ນກ່ວາເກົ່າ.