4/25/2017 12:00:00 AM | ຊ່ວຍເຫຼືອສັງຄົມ

ລາວ ໂທລະຄົມ ປະກອບສ່ວນ ອຸປະຖຳ ການເຄື່ອນໄຫວສະເຫຼີມສະຫຼອງ ວັນກຳມະກອນສາກົນ 1/5/2017

ໃນຕອນບ່າຍ ວັນທີ່ 24 ເມສາ 2017 ທີ່ຜ່ານມາ ຢູ່ທີ່ ຫ້ອງປະຊຸ່ມໃຫຍ່ 403 A ສໍານັກງານໃຫຍ່ ລລທ ສາຍລົມ ໄດ້ມີການອຸປະຖຳເງິນ ຈຳນວນ : 2,000,000 ກີບ ໃຫ້ແກ່ ຄະນະສູນກາງສະຫະພັນກຳມະບານລາວ ເນື່ອງໃນໂອກາດສະເຫຼີມ ສະຫຼອງ ວັນກຳມະກອນສາກົນ ວັນທີ 1/5/2017 ຄົບຮອບ 131 ປີ ເປັນກຽດ ມອບໂດຍ: ທ່ານ ສາຄອນ ພູນແສນອ້ວນ ຮອງປະທານສະຫະພັນກໍາມະບານ ຮາກຖານ ລລທ, ຮອງຫົວໜ້າຝ່າຍ ສະໜັບສະໜູນ ນະຄອນຫຼວງ ບໍລິສັດລັດ ວິສາຫະກິດ ລາວ ໂທລະຄົມ ແລະ ໃຫ້ກຽດຮັບໂດຍ: ທ່ານ ບຸນລິດ ສີບຸນເຮືອງ ຄະນະສູນກາງກຳມະບານລາວ ພ້ອມດ້ວຍຄະນະທັງ 2 ຝ່າຍເຂົ້າຮ່ວມ. ຈຸດປະສົງ ການມອບໃນຄັ້ງນີ້ ແມ່ນເພື່ອເປັນການປະກອບສ່ວນເຂົ້າໃນການສະເຫຼີມສະຫຼອງວັນກຳມະກອນສາກົນຄົບຮອບ 131 ປີ ຊຶ່ງເປັນວັນແຫ່ງໄຊຊະນະ ຂອງ ກຳມະ ກອນ ແລະ ຊາວຜູ້ອອກແຮງງານ ໃນການຕໍ່ສູ້ກັບຊົນຊັ້ນນາຍທືນ . ສະນັ້ນ,ຈຶ່ງຮຽກຮ້ອງມາຍັງການ ຈັດຕັ້ງ ພັກ - ລັດ, ອົງການຈັດ ຕັ້ງກຳມະບານ ແຕ່ລະຂັ້ນ, ຫົວໜ່ວຍແຮງງານ ແລະ ສັງຄົມ ຈົ່ງເພີ່ມທະວີ ຄວາມຮັບຜິດຊອບຂອງຕົນຕໍ່ກັບການສຶກສາອົບຮົມ ຊ່ວຍ ເຫຼືອ, ກໍ່ສ້າງ ແລະ ພັດທະນາຊົນ ຊັ້ນກຳມະ ກອນລາວ ໃຫ້ເຕີບໃຫຍ່ເຂັ້ມແຂງ ທາງດ້ານຈຳນວນ ແລະ ຄຸນນະພາບສົມ ຄູ່ກັບຄວາມ ຮຽກຮ້ອງ ຕ້ອງການ ໃນການເຊື່ອມໂຍງສາກົນ ໄລຍະໃໝ່ ແລະ ພ້ອມກັນຍົກສູງຄຸນຄ່າແຮງງານຂອງກຳມະກອນ , ໃຫ້ສູງຂື້ນຢ່າງຕໍ່ ເນື່ອງ ເພາະ ກຳມະກອນ ແລະ ຊາວຜູ້ອອກແຮງງານ ຄືກະດູກສັນຫຼັງຂອງຊາດ.