3/8/2017 12:00:00 AM | ຊ່ວຍເຫຼືອສັງຄົມ

ລາວ ໂທລະຄົມ ປະກອບສ່ວນ ອຸປະຖຳ ການເຄື່ອນໄຫວ ສະເຫຼີມສະຫຼອງ ວັນແມ່ຍິງສາກົນ 8/3/2017

ໃນຕອນເຊົ້າ ວັນທີ່ 2 ມີນາ 2017 ທີ່ຜ່ານມາ ຢູ່ທີ່ສະຖາບັນການເມືອງການປົກຄອງທ່າງ່ອນ ຄະນະຜູ້ບໍລິຫານ ລລທ ເຊິ່ງນຳໂດຍ ທ່ານ ສາຄອນ ພູນແສນອ້ວນ ຮອງຫົວໜ້າຝ່າຍ ສະໜັບສະໜູນ ນະຄອນຫຼວງ ພ້ອມດ້ວຍຄະນະ ໄດ້ນຳເອົາ ເງິນສົດຈຳນວນ: 3,000,000 ກີບ ໄປມອບໃຫ້ ນັກສຶກສາທິດສະດີຊັ້ນສູງ 5 ເດືອນ ຊຸດທີ 20 ຂອງສະຖາບັນການເມືອງ ແລະ ການປົກຄອງທ່າງ່ອນ ເຊິ່ງຕາງໜ້າຮັບໂດຍ: ທ່ານ ພັອ ຈັນທາ ທາມະເທວາ ຄະນະພັກ ຄະນະຫ້ອງ ນັກສຶກສາທິດສະດີການເມືອງ ເລັ່ງລັດ 5 ເດືອນ ຊຸດທີ 20 ປີ 2017 ເນື່ອງໃນໂອກາດສະເຫຼີມ ສະຫຼອງ ວັນແມ່ຍິງສາກົນ 8/3/2017 ໂດຍການເຂົ້າຮ່ວມຂອງ: ທ່ານ ສຸພົນ ຈັນທະວີໄຊ ປະທານສະຫະພັນກຳມະບານ ຮາກຖານ ລລທ ຮອງຜູ້ອຳນວຍການໃຫຍ່ ລລທ ແລະ ມີຜູ້ບໍລິຫານ ທັງສອງຝ່າຍ ພ້ອມດ້ວຍນັກສຳມະນາກອນທີ່ຮຽນຢູ່ສະຖາບັນດັ່ງກ່າວ ເຂົ້າຮ່ວມຢ່າງພ້ອມພຽງ.